ژ بۆ راوەستاندنا ئێریشێن ترکیێ هەسەدە ب رووسیایێ رە د پێوەندیێ دەیە

ژ بۆ راوەستاندنا ئێریشێن ترکیێ هەسەدە ب رووسیایێ رە د پێوەندیێ دەیە

بەردەڤکێ ھێزێن سووریا دەمۆکراتیک (هەسەدێ) کینۆ گەبریەل ل سەر ئەگەرێ ئێریش و ئۆپەراسیۆنێن ترکیێ ژ بۆ سەر ھەرێمێن وان راگەھاند کو ئەو ژ بۆ راوەستاندنا بنپێکرنێن ترکیێ راستەراست دگەل رووسیایێ دا د ناڤ پێوەندیێ دانە.

بەردەڤکێ ھەسەدێ کینۆ گابریەل دیار کر: “ب ئاوایەکێ سەرەکی ھەسەدە پابەندی پاراستنا دەڤەرێ و خەلکێ وێ یە. دەربارێ ئێریشا ترکیێ، ژ بۆ راوەستاندنا ئۆپەراسیۆن و بنپێکاریێن ئارتێشا ترکیێ ئەم ب ئاوایەکێ راستەراست پەیوەندیێ دگەل ھێزێن رووسیایێ دکەین.”

ھێژایی گۆتنێیە، دۆھی ٢٤ێ مژدارێ ل رمێلانێ، ب بەشداریا کینۆ گابریەل، جیگرێ فەرماندارێ ئۆپەراسیۆنێن تایبەت ل سووریێ و ئیراقێ کیڤن کاپتی و بەردەڤکێ ھێزێن ھەڤپەیمانیا ناڤدەولەتییا ل دژی داعشێ واین مارۆتۆ جڤینەکا رۆژنامەڤانی ل دار خستبوون.

د جڤینێ دا کاپتی، پەسنا ھێزێن ھەسەدێ و پێشمەرگە کربوو و گۆتبوو، دێ ھەڤکاریا وانا ژ بۆ تێکۆشینا ل دژی داعشێ بەردەوام بیت.

بەردەڤکێ ھێزێن ھەڤپەیمانیا ناڤدەولەتی یا ل دژی داعشێ واین مارۆتۆ گۆتبوو: “نھا 10 ھەزار چەکدارێن داعشێ یێن هەی، د دەستپێکێ دا ٤٥ ھەزار بوون، ئەو نها نکارن دەست دایینن ل سەر ناڤچەیێ ژ بەر کو مە ھێزا وان ژناڤبریە، لێ مەترسیا وان ھەیە ژ بەر کو کوشتن و تاوانان دکەن، خەلکێ درەڤینن. ل ئیراقێ ژی د چیا و شکەفتان دا دمینن، ئەم ل هەموو جها دووڤ وان کەتینە.”