شكه‌فتا 8 ژوور یا په‌كه‌كێ ل خواكوركی دهێته ته‌قاندن
ئارته‌شا تركیێ، شكه‌فته‌كا چه‌كدارێن پارتییا كاركه‌رێن كوردستانێ كو ژ 8 ژووران پێك تێ، ل چیایێ خواكوركی یێ باشوورێ كوردستانێ ته‌قاند.
ل گۆر هنه‌ك دیمه‌نێن ڤیدیۆیی كو ئارته‌شا تركیێ پارڤه‌كرنه، د ئێریشه‌كێ ده كو ل چیایێ خواكوركی یێ باشوورێ كوردستانێ ل دژی په‌كه‌كێ پێكهاتییه، شكه‌فته‌كا هه‌ری مه‌زن كو ژ 8 ژووران پێك تێ، ژ بال عه‌سكه‌رێن ترك ڤێ تێ مایین كرن و ته‌قاندن.
ئه‌ڤ شكه‌فت كو درێژاهییا وێ نێزی 300 مه‌ترۆیان بوو، ژ بال چه‌كدارێن په‌كه‌كێ ڤه وه‌كه جه‌بلخانه و ڤه‌شارگه‌ه دهات بكارئانین، هنه‌ك كه‌لوپه‌ل و پێویسته‌یێن لۆجستیك یێن په‌كه‌كێ تێده بوون و ژ بال عه‌سكه‌رێن ترك ڤه هات ته‌قاندن و قه‌پات كرن.
پارتییا كاركه‌رێن كوردستانێ هینا نها تو ئاگاهی ل ده‌ربارا وێ شكه‌فتێ و ته‌قاندنا وێ پارڤه‌نه‌كرنه.
