تركیێ 641 ئه‌ندامێن په‌كه‌كێ ده‌سته‌سه‌ر كرن

تركیێ 641 ئه‌ندامێن په‌كه‌كێ ده‌سته‌سه‌ر كرن

ل 42 پارێزگه‌هێن تركیێ، د ئۆپەراسیۆنا ل دژی ئه‌ندامێن رێخستنا په‌كه‌كێ دا‌،  641 كه‌س هاتن ده‌سته‌سه‌ر كرن.

سه‌ردۆزگه‌رییا كۆماری یا تركیێ د داخویانییه‌كا نڤیسكی دا ئه‌شكه‌ره‌ كر، ژ رۆژا پێنجشه‌مبییا رابووری 26/11/2020ان، د چارچووڤەیا لێپرسینا ل سه‌ر ئه‌ندام و ئالیگرێن په‌كه‌كێ دهێته‌ كرن، دەر ھەقێ 641 گومانباران دا كو كار و چالاكیێن په‌كه‌كێ د مه‌شینن، بریارا بنچاڤکرنێ ھاته‌ دان.

هێزێن دژی تەرۆرێ ل 42 پارێزگه‌هان ژ بۆ بنچاڤكرنا گومانباران، ئۆپەراسیۆن ئه‌نجام دان و ئه‌و هه‌ژمارا گومانباران هاتنه‌ بنچاڤكرن.

د لێگەرینان دا ژی ھەژمارەک گەلەک چەک، دەمانچە، تڤه‌نگ و فیشەک و ساجۆرێن وان چەکان ھەروه‌ھا دۆکومەنتێن رێكخستنی و مەتەریالێن دیجیتال ده‌ست ب سه‌ر دا هات گرتن.