ته‌قینه‌كێ 31 كۆماندۆ یێن ئه‌فغانستانێ كوشتن

ئه‌فغانستان.. 2 ته‌قینان 34 كه‌س كوشتن

د دوو ته‌قینان ده‌ كو ئیرۆ رۆژا یه‌كشه‌می ل رۆژهلات و باشوورێ ئه‌فغانستانێ چێبوونه‌، 34 كه‌س هاتنه‌ كوشتن و پێتری 24 كه‌سێن دن بریندار كه‌تنه‌.

به‌رده‌ڤكێ ویلایه‌تا غه‌زنه‌ وه‌حیدوللا جومعه‌زاده‌ ئه‌شكه‌ره‌ كر، ئیرۆ رۆژا یه‌كشه‌می 29/11/2020ان، ئۆتۆمبێله‌كه‌ مایین كری ل نێزی باره‌گه‌ها هێزێن كۆماندو یێن گرێدای ئارته‌شا ئه‌فغانستانێ ته‌قییا، د ئه‌نجامێ ده‌ 31 عه‌سكه‌ر هاتنه‌ كوشتن و 24 بریندار كه‌تنه‌.

جومعه‌ زاده‌ ده‌ست نیشان كر، هینا نها تو ئالییان به‌رپرسیاری ژ وێ كریارا ته‌رۆری نه‌راكرییه‌، لێ به‌لێ گومان ژ بۆی ته‌ڤگه‌را تالیبانێ دچه‌ كو د به‌رێ ده‌ كریارێن هه‌مئاوا ل رۆژهلاتا وه‌لات ئه‌نجام دانه‌.

ته‌قینا دوویه‌مین ل باشوورێ ئه‌فغانستانێ چێبوویه‌، وه‌ختا كو ئۆتۆمبێله‌كه‌ مایین كری كاروانێ ئه‌ره‌به‌یێن شاره‌دارێ باژارێ زۆبال یێ هه‌ده‌ف كری، د وێ ته‌قینێ ده‌، 3 كه‌س هاتنه‌ كوشتن و شاره‌دار ژ ڤێ هه‌ولا ته‌رۆر كرنێ رزگار بوو.