كۆمێن چه‌كداران هه‌ژماره‌كه‌ وه‌لاتیێن جندرێسێ ره‌ڤاندن

كۆمێن چه‌كداران هه‌ژماره‌كه‌ وه‌لاتیێن جندرێسێ ره‌ڤاندن

كۆمێن چه‌كدارێن گرێدای تركیێ هه‌ژماره‌كه‌ شێنیێن جندرێسا ناڤچه‌یا عه‌فرینێ ره‌ڤاندن و ژ بۆ جهه‌كێ نه‌دیار برنه‌.

نه‌رینگه‌ها سووری یا مافێن مرۆڤان ئه‌شكه‌ره‌ كر، ئیرۆ رۆژا یه‌كشه‌می 29/11/2020ان، كۆمێن چه‌كدارێن گرێدای تركیێ ژ گرۆپا سه‌مه‌رقه‌ند، هه‌ژماره‌كه‌ شێنیێن گوندێ كه‌فر سه‌فره‌ یێ گرێدای ناڤچه‌یا جندرێسێ ل هه‌رێما عه‌فرینێ ره‌ڤاندنه‌.

ده‌ست نیشان كر، هه‌ر ئیرۆ پۆلیسێن سه‌ربازی یێن گرێدای تركیێ، هه‌ژماره‌كه‌ دن یا شێنیێن  ناڤچه‌یا شێخ حه‌دید یا سینۆرێ عه‌فرینێ ب هێنجه‌تێن جودا ده‌سته‌سه‌ر كرنه‌.

ل گۆر نه‌رینگه‌ها سووری ژ 26 ڤێ مه‌هێ ڤه‌، كۆمێن چه‌كدارێن گرێدای تركیێ ب ده‌هان شێنیێن عه‌فرینێ ره‌ڤاندنه‌، 4 ژێ ژنن و سووچا كار كرنێ ل گه‌ل هێزێن سووریایا ده‌مۆكراتیك هه‌سه‌دێ خستییه‌ بال وان.