ئیرۆ رۆژا سێشه‌می داوی مۆله‌تا ژ بۆی چه‌كدارێن ده‌ریاسایێ و یێن گرێدای په‌كه‌كێ كو شه‌نگالێ و دۆربه‌را وێ ب جی بهێلن، چه‌كدارێن یه‌به‌شێ ژی باره‌گه‌هێن خوه ڤالا كرنه.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا سێشه‌می 1/12/2020ان، مۆله‌تا كو ل گۆر په‌یمانا شه‌نگالێ ب چه‌كدارێن ده‌ریاسای هاتییه دایین، ب داوی دبه و چه‌كدارێن گرێدای په‌كه‌كێ ده‌ست ب ڤالا كرنا جیێن خوه كرنه.
ده‌ست نیشان كر، نیڤرۆژا ئیرۆ مۆله‌تا فه‌رمی یا ژ بۆی وان چه‌كداران ب داوی دبه، هه‌یا نها چه‌كدارێن یه‌به‌شێ یێن گرێدای په‌كه‌كێ 8 باره‌گه‌هێن خوه كو دوو ژێ ل ناڤه‌ندا شه‌نگالێ نه، ڤالا كرنه و ب جی هشتنه.
چاڤكانیێن پێگه‌ها مه ئه‌شكه‌ره كر، هێژان دوو باره‌گه‌هێن یه‌به‌شێ مانه كو وه‌رن ڤالا كرن یه‌ك ل ناڤه‌ندا شه‌نگالێ و یه‌كێ دن ل ناڤچه‌یا سنوونێ یه، ئه‌ڤ باره‌گه‌ه هه‌یا نیڤرۆژا ئیرۆ ده‌م پێ هاتییه دایین كو وه‌رن ڤالا كرن.
تێ زانین پارتییا كاركه‌رێن كوردستانێ هه‌ول دانه شێنیێن ناڤچه‌یێ وه‌كه مه‌رتال ژ بۆ ب جهی نه‌هشتنا باره‌گه‌هێن خوه ل شه‌نگالێ بكارئانینه.
