نه‌ته‌وه‌یێن یه‌كبوویی: جه‌نگا یه‌مه‌نێ 233 هه‌زار كه‌س كوشتنه
نه‌ته‌وه‌یێن یه‌كبوویی ئیرۆ ئامارا زرارێن جانی یێن جه‌نگا یه‌مه‌نێ ئه‌شكه‌ره كر و ده‌ست نیشان كر كو 233 هه‌زار كه‌س د وێ جه‌نگێ ده هاتنه كوشتن.
كۆمسیۆنا مافێن مرۆڤان یا نه‌ته‌وه‌یێن یه‌كبوویی ئیرۆ رۆژا سێشه‌می 1/12/2020ان ئه‌شكه‌ره كر، د جه‌نگا یه‌مه‌نێ ده كو ل سالا 2015ان ده‌ست پێ كربوو و هینا نها پێتری 233 هه‌زار كه‌سان هاتنه كوشتن، هه‌ژماره هه‌ری زێده ژێ سڤیلن.
كۆمسیۆنا مافێن مرۆڤان ده‌ست نیشان كر، ئه‌ڤ هه‌ژمارا زرارێن جانی پر زۆره و جیێ دلگرانیێ یه و ب تو ئاوایی نایێ قه‌بوول كرن.
كۆمسیۆنا مافێن مرۆڤان هه‌م ده‌ما ئه‌شكه‌ره كرنا ڤان ئاماران گۆت: یه‌مه‌ن گهایه ره‌وشه‌كه هه‌ری خه‌راب و پێویستییا وێ یا نها ته‌نێ ب راگهاندنا ئاگربه‌ستێ هه‌یه.
جه‌نگا یه‌مه‌نێ ل مه‌ها ئاداراێ یا سالا 2015ان ل نێڤبه‌را گرۆپا حووسییان كو ب ئه‌نساروللا تێن ناڤ كرن و حكوومه‌تا یه‌مه‌نێ ده‌ست پێ كر، ئیران پشتگریێ دده حۆسییان و سعوودیه پشتگریێ دده حكوومه‌تا یه‌مه‌نێ و ژ بۆ ڤێ هه‌ڤپه‌یمانێتییه‌كا ئه‌ره‌بی پێكئینا و ژ وێ ده‌مێ ئێریشێن هه‌وایی و به‌ژاهی ل یه‌مه‌نێ پێك تینن.
