سەرۆکێ پارتیا دەمۆکراسی و پێشڤەچوونێ (DEVA)یا ترکیێ عەلی باباجان، ئیرۆ رۆژا سێشەمبیێ 1ێ کانوونێ ل گەل سەرۆکا یەکیتیا ھەکیمێن ترکیێ (TTP) شەبنەم کۆرور فینجانج جڤینەکا رۆژنامەڤانیێ ئەنجام دا.
د جڤینێ دا ل سەر بجھ نەئینانا ئەرکێن دەولەتێ د رووبرووبوونا ڤیروسا کۆرۆنایێ دا، رەخنە ل دەستهەلاتداریا ترکیێ ب سەرۆکتیا رەجەب تەییب ئەردۆگان گرتن کو نھا ب تەدبیر و قەدەغەیێن سست دخوازن بەلاڤبوونا ڤیروسا کۆرۆنا بدنە راوەستاندن.
باباجان ل سەر پرسا رۆژنامەڤانان یا د دەربارێ داخویانیێن حەفتەیا بۆری یێن ئەردۆگان دا کو گۆتبوو، “پرسگرێکا کوردان نینە، ئێدی نەمایە” ژی ب جی رەنگی ئاخڤت:
“ھەگەر ئەم بخوازین بزانین گەلۆ ل ڤی وەلاتی کێشەیا کوردان ھەیە یان نینە، بلا دەستپێکێ ئەڤ پرسە ژ وەلاتیێن کورد بهێتە کرن. نرخاندنا یەک لایەنی یا حکوومەتێ ھەبوونا پرسگرێکێ د کەتواری دا راناکەت. دەمەکێ گاڤێن وێرەک ئاڤێتن. لێ پشترا جارەکا دی پرسگرێک گەش بوو. د ماف و ئازادیێن بنگەھین یێن وەلاتیێن مە دا کێشەیێن جدی ھەنە. دەولەت جوداهیێ د ناڤبەرا هەڤولاتییان دا دکەت. لەوما ژی بلا ژ وەلاتیێن مە یێن کورد و دەزگەھێن سڤیل یێن جڤاکی ئەڤ پرسیارە بهێتە کرن.”
