به‌رپرسه‌كێ په‌كه‌كێ كو ژ بال ئێنته‌رپۆلێ ڤه‌ داخواز كری بوو هات گرتن

هێزێن ئه‌وله‌كارییا تركیێ ئیرۆ ده‌سته‌سه‌ر كرنا به‌رپرسه‌كێ رێخستنا په‌كه‌كێ ل باكورێ كوردستانێ راگهاند و ده‌ست نیشان كر، ئه‌ڤ به‌رپرس د بۆلته‌نا ره‌نگ سۆر یا ئێنته‌رپۆلێ ده‌بوو.

هات راگهاندن كو ئیرۆ رۆژا چارشه‌می 2/12/2020ان، هێزێن دژی ته‌رۆرێ ل باژارێ رهایێ یێ باكورێ كوردستانێ، شکبارەک ل سەر ناڤێ په‌كه‌كێ كو ژ رۆژئاڤا كوردستانێ ده‌رباسی باكورێ وه‌لات ببوو، هات ده‌سته‌سه‌ر كرن.

پشتره‌ هات ته‌سبیت كرن كو ئه‌ڤ شكبار ب ناڤێ  «م.ش.ک» به‌رپرسه‌كێ پارتییا كاركه‌رێن كوردستانێ یه‌ و د كاته‌گۆرییا ره‌نگ سۆر یا ده‌وله‌تا تركیێ و پۆلیسێن ناڤده‌وله‌تی ئێنته‌رپۆلێ ده‌ جی دگره‌.

تێ زانین «م.ش.ک» كارێ ڤه‌گوهاستنا چه‌كدارێن په‌كه‌كێ و چه‌كان ل نێڤبه‌را باكور و رۆژئاڤا كوردستانێ ده‌ دكر.

هێزێن دژی تەرۆرێ ئه‌و ل رهایێ ده‌سته‌سه‌ر كر و پاش ئۆپه‌راسیۆنا ده‌سته‌سه‌ر كرنێ و ب داوی ئانینا کار و بارێن وی یێن ل ئەولەھیێ ئەو سەوقی ئادلیەیێ بوو و ھات گرتن.