ئارته‌شا تركیێ ئیرۆ ده‌ست ب ئۆپه‌راسیۆنه‌كه نوو ل دژی رێخستنا په‌كه‌كێ ل باكورێ كوردستانێ كر كو پێتری 2 هه‌زار و 500 عه‌سكه‌ران تێده به‌شدارن.
ل گۆر ئاگاهیێن ده‌ستێ مه، ئیرۆ رۆژا شه‌می 5/12/2020ان، ئارته‌شا تركیێ، هێزێن جه‌ندرمه‌یان ل دارستانێن سه‌هی یێن دۆربه‌را پارێزگه‌هییا بدلیسێ یا باكورێ كوردستانێ، ئۆپه‌راسیۆنا یلدرم ب قووناغا خوه یا 16ان ل دژی پارتییا كاركه‌رێن كوردستانێ ده‌ست پێ كر.
د ڤێ ئۆپه‌راسیۆنێ ده، 2 هه‌زار و 571 عه‌سكه‌ر، كۆماندۆ، جه‌ندرمه و هێزێن ئه‌وله‌هیێ به‌شدارن و ژ سه‌رێ سبێ ڤه ده‌ست پێ كرییه.
ئارته‌سا تركیێ ژ مه‌ها ته‌باخا ئیسالێ ڤه، ده‌ست ب ئۆپه‌راسیۆنا یلدرم ل باكورێ كوردستانێ كر، هه‌یا نها پێتری 70 چه‌كدارێن په‌كه‌كێ تێده هاتنه هه‌ده‌ف كرن، په‌كه‌كه ژی دبێژه وان دربێن گران د ڤێ ئۆپه‌راسیۆنێ ده ل عه‌سكه‌رێن ترك دانه.
