فەرماندارێ ئۆپەراسیۆنێن رۆژئاڤایێ نەینەوایێ د ئارتێشا ئیراقێ دا، جەبار تایی دا خویاکرن کو ئەو ناھێلن هیچ گرۆپەکێ چەکدار ل شەنگالێ بمینیت.
جەبار تایی راگەھاند کو ل گۆری رێکەفتنا ھەولێر و بەغدایێ، تەنێ ئارتێشا ئیراقێ، پۆلیس و ئاسایشا نشتمانی یا ئیراقێ دێ شنگالێ پارێزن.
جەبار دیار کریە کو ئەو ناھێلن هیچ گرۆپەکێ چەکدار ل شنگالێ بمینیت و ھێزێن ئیراقی د ناڤ شنگالێ دا ھاتنە بجھکرن و ھەولا ئارامکرنا باژێر و ڤەگەراندنا کۆچبەران ددەن.
فەرماندارێ ئیراقی بێی کو ب ناڤ بکەت، بەحسا نەهێلانا ھێزێن گرێدایی پەکەکێ و میلیشیایێن گرێدایی حەشدا شەعبی کر و گۆت، ئەو ھێزێن نەرەوا ل شنگالێ نامینن.
