کەشتییەکا ئیرانێ ل بەسرا نقۆم بوو

ئیرۆ رۆژا یەکشەمبێ کەشتییەکا ئیرانێ ب ناڤێ “تووران” کو ئاسن لێ هاتبوو بار کرن ل نێزیک بەندەرا ئوم قەسر یا بەسرایێ نقۆم بوو.

وەزارەتا ڤەگوھاستنا ئیراقێ بەلاڤ کریە کەشتیەکا ئیرانێ یا ب ناڤێ تووران کو بارێ وێ ئاسن بوو ئیرۆ رۆژا یەکشەمێ 6/12/2020ێ ل نێزیکی بەندەرا ئوم قەسر یا بەسرایێ نقۆم بوو. ھەروھا تیما کەشتیێ ژی ھاتیە رزگارکرن.

وەزارەتا ڤەگوھاستنا ئیراقێ ئاماژە ژی ب وێ یەکێ کریە تیما کەشتیێ کو ژ 6 کەسان پێک دهات هەر ھەموو ب ئاوایەکی سەرکەفتی ھاتینە رزگارکرن.