سەرۆکا پارتیا IYI مەرال ئاکشەنەر بەشداری بەرنامەیەکا Karar Tv بوو. ئاکشەنەر ل سەر رەوشا ترکیێ دیتنێن خوە گۆتن و دا خوویاکرن کو، بارێ ترکیێ و ئەردۆگان گەلەک گران بوویە. ئەو نەشێن ب ڤێ سیستەما سەرۆککۆماریێ ترکیێ حەتا سالا 2023یێ ببەن. ھەروەھا دەنگدەرێن ئاکەپێ ئێدی نە وەک بەرێ نە، ئەو ناترسن. دەنگدەرێن ئاکەپێ بەرێ دترسیان کو دێ دەستھلات وان ژ کارێ وان دەرکەت و دەستێ خوە دانیتە سەر نانێ وان. لێ نھا ئەو ترس نەمایە و ئێدی ئەو دەنگێن ئاکەپە بەری نها ب دەست خوە دئینان نە مومکنە کو جاردەکا دی وان دەنگان ب دەست خوەڤە بینیت.
ئاکشەنەر د دەربارێ رێکەفتنا ئاکەپێ و مەھەپێ دا ژی گۆت: “رێکەفتنا جومھور” نە تەنێ ژ ئاکەپەێ و مەھەپێ پێک دهێت. ھەروەھا پارتیا دۆگو پەرنچەک ژی د ناڤ ڤێ رێکەفتنێ دایە. وەکە دی پارتیا ترکیا یا مەزن ژی د ناڤا رێکەفتنا وان دایە.
ئاکشەنەر ئیدیعا کر کو دێ ھلبژارتنێن گشتی، سالا 2021ێ د مەھا خزیرانێ دا هێنە ئەنجامدان. ئاکشەنەر گۆت کو، ئەردۆگان حەژ زڤستانێ ناکەت، دێ د ھاڤینێ دا ھەلبژارتنا دەتە ئەنجامدان.
