پارتییا كاركه‌رێن كوردستانێ راستی شكه‌ستنه‌كا مه‌زن هات ل ناڤچه‌یا حه‌فته‌نینێ وه‌ختا كو 11 چه‌كدارێن رێخستنێ كه‌تینه به‌ر ئێریشا باله‌فرێن جه‌نگی یێن ده‌وله‌تا تركیێ.
ل گۆر ئاگاهیێن كو وه‌زاره‌تا به‌رگریێ یا تركیێ ئیرۆ رۆژا دووشه‌می 7/12/2020ێ به‌لاڤ كرنه، باله‌فرێن جه‌نگی د ئێریشه‌كێ دا كو ل باشوورێ كوردستانێ ب تایبه‌ت ل ناڤچه‌یا حه‌فته‌نێنێ پێكئانیه، هه‌ژماره‌كه چه‌كدارێن په‌كه‌كێ بوونه ئارمانج و جانێ خوه ژ ده‌ست دانه.
هه‌روه‌ها ده‌ست نیشان كر، باله‌فران ل ناڤچه‌یا زاپێ ژی ئێریش كرنه و ب ته‌ڤاهی ل حه‌فته‌نینێ و زاپێ 11 چه‌كدارێن په‌كه‌كێ هاتنه هه‌ده‌ف كرن و جانێ خوه ژ ده‌ست دانه.
د ڤێ ده‌ربارێ دا، هێزێن پاراستنا گه‌ل هه‌په‌گێ بالێ له‌شكری یێ په‌كه‌كێ تو ئاگاهی ل ده‌ربارا ڤان ئێریشان و ژ ده‌ست دایینا چه‌كدارێن خوه به‌لاڤ نه‌كرنه، ئه‌ڤ ئاگاهیێن وه‌زاره‌تا به‌رگریێ یا تركیێ ژی نه ده‌ره‌واندنه.
