گرووپێن چەکدارێن ئۆپۆزسیۆنا سووریێ یێن ترکیە پشتەڤانییا وان دکەت، 12 وه‌لاتیێن شێراوا یا ناڤچه‌یا عه‌فرینێ ل رۆژئاڤا كوردستانێ ره‌ڤاندن، ئارمانج ژ ڤێ ره‌ڤاندنێ، ناچار كرنا وه‌لاتییان كو كۆچبه‌ر ببن ژ بۆ كو گوهه‌رینا ده‌موگرافی سه‌ربكه‌ڤیت.
رێخستنا مافێن مرۆڤان ل عەفرینێ بەلاڤ کر، چەکدارێن گرووپا فەیلەق ئەل شام ل رۆژا 4ێ ڤێ مەھێ ب سەر گوندێن باسووفان، بعیێ و کبێشینێ یێن ناڤچەیا شێراوا دا گرتن و دەست ب بھانەیا لێگەرین و پشکنینێ کەتن مالان و زێدەتر ژ 10 کەسان رەڤاندن.
ژ کەسێن ھاتنه رەڤاندن، ناڤێن 7 کەسان ھاتن زانین، ئەو ژی ئەڤن:
ل گوندێ کبێشینێ: سامر مامەد حسێن، باسل مامەد حسێن، عەلی کازم عەلی، ئەحمەد ھندی ھندی.
ل گوندێ باسووفانێ: ریاد عەلی جومعه، رێزان ئیبراھیم عەرەبۆ، دلبرین عەرەبۆ.
وێ رێخستنێ راگھاند ژی، 2 وەلاتیێن عەفرینێ وەلید عابد و محەمەد حەسەن شێخ سادق، ژ رۆژا 3ێ ڤێ مەھێ ڤه ل باژارێ ئه‌عەزازێ ھاتن رەڤاندن و ھەتا نھا چارەنڤیسا وان نە دیارە.
چالاکڤانێن عەفرینێ دبێژن، ئارمانجا ئارتێشا ترکیێ و گرووپێن چەکدار ژ رەڤاندنا وەلاتییان ئەوە، رەوشەکا گەلەک خراپ و مەترسیدار دروست بکه‌ن، دا کو وەلاتیێن عەفرینێ ژ خاکا خوە کۆچبەر ببن و پرۆسەیا گوھارتنا دەمۆگرافی ببن سەری.
