ره‌ژیما ئیرانێ ئیرۆ جه‌زایێ سێداره‌دانێ ل سه‌ر گه‌نجه‌كێ كورد یێ خەلکێ مەھابادێ ل گرتیگه‌ها ناڤه‌ندی یا باژێر جی ب جی كر و رۆژا چارشه‌مبێ دێ گه‌نجه‌كێ دنێ كورد ل هه‌مان گرتیگه‌گێ ل سێدارێ ده‌ت.
رێخستنا هه‌نگاو یا مافێن مرۆڤان ئیرۆ رۆژا دووشه‌مبیێ 7/12/2020ێ به‌لاڤ كر، ئیرۆ بەرێ سپێدێ ڤە جەزایێ سێداره‌دانێ ل سه‌ر «کەمال ئەخسەری» یێ خەلکێ پارێزگه‌ها مەھابادێ یا رۆژهه‌لاتا كوردستانێ ل گرتیگەھا ناڤەندی یا وی باژێری ھاتیە بجیھ ئانین.
کەمال ئەسخەری ل گەل دوو ھەڤالێن خوە یێن دن یێن ب ناڤێن «دانیال دوانی ئازەر و دانیال زەینەل ئابدین» ل رۆژا 22ێ ئیلۆنا 2017ێ ب سووچا كوشتنێ هاتبوون ده‌سته‌سه‌ر كرن.
ئەو ھەرسێ گه‌نج پشترە ژ ئالیێ دادگەھا تاوانێن مەھابادێ ڤە جەزایێ سێداره‌دانێ ژ وان رە ھاتبوو دایین و پشترە ئەو جەزا ژ ئالیێ باسکێ 37 یێ دیوانا بلند یا ئیرانێ ڤە ھاتبوو پەژراندن. کەسەکی دن د وێ دۆسیێ دا بەشدار ببوو جەزایێ 10 سال گرتیگەھێ ژێرە ھاتبوو دایین.
دانیال زەینەل ئابدین ژی د دەما ژ گرتیگەھا مەھابادێ را بۆ گرتیگەھا میاندوواو رە دھاتە ڤەگوھەستن د بن ئیشکەنجەیا ھێزێن ئەولەھیێ دا ھاتە کوشتن.
ل گۆر ھەمان چاڤکانیێ بریارە رۆژا چارشەمبێ ژی جەزایێ سێداره‌دانێ بۆ تۆمەتبارێ دن یێ ڤێ دۆسیێ ب ناڤێ «دانیال دیوانی ئازەر» ل گرتیگەھا مەھابادێ دێ بێ بجیھانین.
