جڤینا سێ ئالی یا پارتیا دیمۆکراتا کوردستانێ (پەدەکێ)، یەکیتیا نشتمانییا کوردستانێ (یەنەکێ) و تەڤگەرا گۆرانێ یا ل ھەولێرێ ب داوی هات و حەفتەیا داهاتی، شاندەکێ سیاسی دێ چیتە بەغدایێ.
ل گۆر زانیاریان، خالا یەکەم یا جڤینا ڤان سی ئالییان ژ وێ یەکێ پێک دھات کو پێنگاڤێن حکوومەتا ھەرێما کوردستانێ یێن د دانووستاندن و گۆتووبێژێن ل گەل حکوومەتا ئیراقێ دا بهێنە پشتەڤانیکرن ل سەر پرۆژە یاسایا بودجەیا 2021ێ، دا کو بکارن ماف و حەقێن دارایی یێن ھەرێما کوردستانێ دابین بکەن. حەفتەیا داهاتی ژی، شاندەکێ سیاسی دێ چیتە بەغدایێ.
خالا دویەم؛ یەکدەنگی و یەکگۆتنی و دەستنیشانکرنا ئەجیندایەک هەڤبەش بوو، ل سەر ھەموو وان مژارێن سیاسی یێن د ناڤبەرا ھەولێر و بەغدایێ دا هەی، دا کو کورد ل پەرلەمانێ ئیراقێ وەکو پەسەندکرنا یاسایا دەینکرنێ، یەکدەنگ ببن و ل ھەمبەر بەغدایێ ھەلوەستا وان یەک بیت.
دەربارێ خوەپێشاندانان دا ژی، رەوشا ناڤخوەیا سیاسی و ئابۆری یا ھەرێما کوردستانێ ھاتە گۆتووبێژکرن و دێ ھەول هێتە دایین کو بگەھن چەند بریارێن ھەڤپار د بەرژەوەندیێن خەلکێ ھەرێما کوردستانێ دا ب ئاراستەیا ئاساییکرنا رەوشا سیاسی، ژ بۆ ژھۆلێ راکرنا نەرازیبوون و ھەولدانا چارەسەرکرنا کێشەیان.
