وەزیرێ دەرڤەیێ ئیرانێ جەواد زەریف راگەھاند کو ئەو پۆلیتیکایێن خوە یێن ھەرێمی ل گەل وەلاتێن رۆژئاڤا دا ناکەنە د ناڤ گۆتووبێژان و گۆت، “ئەم ژ بۆ دانووسداندنا ل گەل جیرانێن خوەیێن کەنداڤا فارس ھەر دەم ئامادەینە”.
زەریف ل سەر ئەکوانتا خوە یا تویتەرێ ل سەر داخوازێن وەلاتێن عەرەبی کو دخوازن ئیران ڤەگەریتە پەیمانا ئەتۆمی داخویانی دا و گۆت، “ئەم ل سەر سیاسەتێن خوە یێن ھەرێمێ گۆتووبێژان ناکەین، بنگەھا پرسگرێکان دەستوەردانا وان یا ل ھەرێمێ یە.”
زەریف ھەروھا دیار کر کو ئەو ھەر دەم ئامادە نە دانووستاندنێ ل گەل جیرانێن خوەیێن کەنداڤا فارس بکەن.
ھێژایی گۆتنێ یە، ئالیێن پەیمانا ئەتۆمی بریتانیا، فەرانسا و ئەلمانیا ژ رێڤەبەریا نوویا ئامەریکایێ یا ب سەرۆکتیا جۆ بایدن داخواز دکەن ژ نوو ڤە ڤەگەرن پەیمانا ئەتۆمی یا ل گەل ئیرانێ، لێ وەلاتێن عەرەبی یێن وەکی سعوودیێ و ئیمارات ژی ژ ئالیان دخوازن ئەندیشەیێن وان یێن دەربارێ ئیرانێ دا ژ ھۆلێ بهێنە راکرن.
