كوریدۆرا سه‌ربازی یا په‌كه‌كێ
نه‌خشێ دانن به‌ر سینگا خوه، خه‌ته‌كێ ژ قامشلۆ بۆ هۆلێ بكێشن، پشتره بۆ مه‌خموور و كه‌ركووك و سلێمانیێ و رانیێ، هه‌یا دگه‌هه چیایێ قه‌ندیلێ، پشتره ژ قه‌ندیلێ بۆ زاخۆ و د رێیا زاپێ، گاره و چیایێ سپی ره، پشتره ل ئه‌نجامێ ب نه‌رن.
نها و د هه‌ر ده‌مه‌كێ ده، دبه ئیران ب رێیا به‌غدایێ و هه‌ڤپه‌یمانێتییا حه‌شدا ئاپۆچی و حه‌شدا شه‌عبی، ل گه‌ل كریزا دارایی یا كو د رۆژه‌ڤێ ده هه‌یه، هه‌رێما باشوورێ كوردستانێ ژناڤ ببه.
به‌لێ خه‌ته‌را په‌كه‌كێ پر ژ خه‌ته‌را داعشێ پێتره و ژ به‌ر هنه‌ك سه‌ده‌مێن كو شیرۆڤه‌یا وان پر درێژه.
هنه‌ك ساویلكه عاجز دبن كو رێخستنا په‌كه‌كێ ب به‌ره‌یا نوسه‌ر وه‌ره همبه‌ر كرن و ده‌ما ئه‌و ڤێ پارتییا كوردی ل سه‌ر وێ رێخستنا ته‌كفیری ته‌فزیل دكن ئه‌و شه‌رمێ ژ خوه ناكن كو ڤێ گۆتنا خوه یا هه‌رتم دووباره دكن: «ده‌ستهلادارییا په‌كه‌كێ (رێڤه‌به‌رییا خوه‌سه‌ر) باشترین تشته ل سووریێ ب همبه‌ر كرن ل گه‌ل ره‌ژیما ئه‌سه‌د، به‌ره‌یا نوسه‌ر و تركێن داگیركه‌ر و میلیشیایێن وێ».
بلیمه‌تییا ڤان مه‌لاقان ئه‌و كوره كرنه و نابینن كو ئه‌ڤ گۆتنا وان ژ ئالێ لێكدان و دارێشتنێ ڤه شاشه و فۆرمێ باشتر و باشترین ل سه‌ر همبه‌ركرنا په‌كه‌كێ ب به‌ره‌یا نوسه‌ر و ره‌ژیما ئه‌سه‌د جی ب جی نابه، ژ به‌ركو هه‌گه‌ر ده‌ستهلاتدارییا په‌كه‌كێ باشتر به‌ر ژ هه‌ر تشتی ئه‌و دانپێدانه ب باشییا ده‌ستهلاتا ره‌ژیما ئه‌سه‌د و به‌ره‌یا نوسره، لێ ب ئاوایه‌كێ كو ته‌نێ په‌كه‌كه هنه‌كی ژ وان باشتره.
ب نه‌رینا من یا راست و دروست وها ببێژن: خه‌راب و خه‌رابتر، ئانكو دانپێدان ب خه‌رابییا ده‌ستهلات و رێڤه‌به‌رییا په‌كه‌كێ وه‌ره كرن و ب باشتر ژ ده‌ستهلاتدارێن خه‌رابتر وه‌ره ته‌فزیل كرن.
به‌لێ راسته، گه‌لۆ خه‌رابییا په‌كه‌كێ ژ خه‌رابییا ره‌ژیما ئه‌سه‌د و به‌ریا نوسره كێمتره؟
گه‌لۆ كه‌سه‌ك دكاره ئاماره‌كێ ب هه‌ژمارا قوربانیێن كورد یێن ب چه‌كێن په‌كه‌كێ؟ هه‌م ده‌م هه‌ژمارا قوربانیێن كورد یێن ب چه‌كێن ره‌ژیما ئه‌سه‌د و به‌ره‌یا نوسره هاتنه كوشتن ژ مه‌ره بشینه؟ هه‌گه‌ر ئۆجالان ب ده‌ڤێ خوه ژی ئیعتراف نه‌كربه بلا، وه‌ختا كو ل 23 تیرمه‌ها سالا 2008ان گۆتی: «15 هه‌زار كه‌س د ناڤا رێخستنا په‌كه‌كێ ب خوه ده هاتنه ته‌سفییه كرن»!
پرس ئه‌ڤه، گه‌لۆ ژ سالا 2008ان هه‌یا 2020ان دبه ئه‌ڤ هه‌ژمار گهیشتبه چ قاسی؟
