جهسهدێ زارۆیهكێ كوردێ عهفرینێ ل سینۆرێ ل گهل تركیێ تێ دیتن، نهرینگهها سووری یا مافێن مرۆڤان ئهشكهره كر، ئهو ب گوللـهیێن جهندرمهیێن ترك هاتییه ههدف كرن.
نهرینگهها سووری یا مافێن مرۆڤان بهلاڤ كرییه، ئهو زارۆكێ ههرێما عهفرینێ كو دوهـ رۆژا چارشهمبی 9/12/2020ێ جهسهدێ وی ل سینۆر هاتییه دیتن، ژ هێلا جهندرمهیێن ترك ڤه هاتییه ههدف كرن.
دهست نیشان كر، ئهڤ زارۆك كو د تهمهنا 10 سالیێ دا بوو، ههولا دهرباس كرنا سینۆر و چوونا تركیێ دكر، لێ بلێ جهندرمهیێن ترك گوللـه بهردانێ.
ههروهها ئهشكهره كر، جهسهدێ ڤی زارۆكی ل نێزیكی گوندێ ب ناڤێ حهمام یێ گرێدایی عهفرینێ هاتییه دیتن.
ل گۆری نهرینگهها سووری، ل 13 مهها رابووری ژی، زارۆكهكێ عهفرینێ ل نێزیكی ناڤچهیا نسریێ یا ل سینۆرێ تركیێ ژ بال جهندرمهیان ڤه هاتییه ههدهف كرن.