ل ئۆرمیێ دو کەچێن کورد ئاگر بەردان خوە و خوە شەوتاندن

ل پارێزگەھا ئۆرمیێ یا رۆژھەلاتێ کوردستانێ دو کەچێن کورد ئاگر بەردان خوە و خوە شەوتاندن.

مالپەرا مافێن مرۆڤ یا ھەنگاو راگەھاندیە، رۆژا 10ی ڤێ مەھێ، کەچکەک 15 سالی ب ناڤێ رۆناک ئەزیزڤەند و خەلکا گوندێ کانی رەشێ یێ ئۆرمیێ، ئاگر بەردا خوە و خوە کوشت.

ل گۆری ئاگاھیان، رۆناک ئەزیزڤەند د تەمەنێ 14 سالییێ دا دابوویە کەسەکی خەلکێ گوندێ شکلاڤا ل دەڤەرا مەرگەڤەرا ئۆرمیێ. ژ بەر کو کەچک ب زۆری دابوون شی، وێ ژی ئاگر بەردا خوە و خوە شەوتاند.

ئیرۆ (12 ڤێ مەھێ) ژی کەچکەک 16 سالی ب ناڤێ زەھرا ئیسماعیلی (16 سالی) و خەلکا گوندێ باوان یێ ئۆرمیێ ژ بەر پرسگرێکێن ناڤ مالباتێ، خوە شەوتاند و جانێ خوە ژ دەست دا.