چه‌ند پاشتره، زیانێن په‌كه‌كێ ل سه‌ر باشوورێ كوردستانێ ب تایبه‌ت ل سه‌ر ئاكنجیێن گوندان پتر خوه‌یا دبیت، ئیرۆ ته‌رمێن سێ وه‌لاتیێن ناڤچه‌یا دێره‌لۆكێ هاتنه دیتن كو د ئێریشه‌كا باله‌فرێن تركیێ دا شه‌هید بووینه.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا شه‌مبی 12/12/2020ێ، ته‌رمێن 3 وه‌لاتیێن ناڤچه‌یا دێره‌لۆكێ ل چیایی هاتنه دیتن كو د ئێریشه‌كا باله‌فرێن جه‌نگێ یێ تركیێ دا هاتنه هه‌ده‌ف كرن و جانێ خوه ژ ده‌ست داینه.
ئه‌ڤێ هه‌رسێ وه‌لاتی ب ناڤێ :
محسن حه‌جي سليمان – ژ شێنیێن گوندێ سپيرى ژ هۆزا نيروه‌یی.
حه‌سه‌ن سادق – ژ گوندئ زيرى- ژ هۆزا نيروه‌یى.
سه‌فه‌ر سه‌ليم حه‌مزه – ژ گوندئ سينى – ژ هۆزا نيروه‌یى
هه‌موه‌خت كوڕێ محسن حه‌جی كو دبه ئه‌ندامێ كۆمیته‌یا یه‌نه‌كێ ل دێره‌لۆكێ.
ل گۆری چاڤكانیێن مه ل باشوورێ كوردستانێ، ئه‌ڤ هه‌رسێ وه‌لاتی ژ به‌ری نێزی 10 رۆژان ده‌ركه‌تبوونه چیا ژ بۆ مه‌به‌ستا نێچیرا په‌زێ كووڤی، چه‌ك پێره بوو و ئه‌و كه‌تینه به‌ر ئێریشا باله‌فران، ئیرۆ خه‌لكێ ناڤچه‌یێ د لێگه‌رینا وان دا، ته‌رمێن وان دیتنه.
تێ زانین، ب سه‌ده‌ما لڤ و ته‌ڤگه‌رێن چه‌كدارێن پارتییا كاركه‌رێن كوردستانێ، ناڤچه‌یێن سنۆرێن گوند و چیا یێن باشوورێ كوردستانێ ب تایبه‌ت یێن گرێدای پارێزگه‌ها دهۆكێ، ده‌وام دكه‌ڤن به‌ر ئێریشێن باله‌فرێن جه‌نگێ و ژ ب ڤێ سه‌ده‌مێ ژ ده‌ستپێكا ڤێ سالێ ڤه، ب ده‌هان وه‌لاتیێن ده‌ڤه‌رێ شه‌هید و بریندار بوونه.
