هێزێن ئه‌وله‌كاریێ یێن ره‌ژیما ئیرانێ ئه‌ڤ پێتری هه‌فته‌یه‌كێ یه مالێن كوردان ل باژارێ بانه یێ رۆژهلاتا كوردستانێ پشكنین دكه ب هێنجه‌تا لێگه‌رینێ ل جینایه‌تكارێن كوشتن زانایێ ئه‌تۆمی و هه‌یا نها 20 كه‌س بن چاڤكرنه.
رێخستنا هه‌نگاو یا مافێن مرۆڤان ئه‌شكه‌ره كر، هێزێن ئه‌وله‌كاریێ یێن ره‌ژیما ئیرانێ ل ده‌ما هه‌فته‌یا رابووری ب سه‌دان مالێن شێنیێن باژارێ بانه یێ رۆژهلاتا كوردستانێ پشكنینه، ب هێنجه‌تا لێگه‌رینێ ل جینایه‌تكارێن ته‌رۆر كرنا محسن فه‌خریزاده زانایێ ئه‌تۆمی یێ ئیرانێ.
ده‌ست نیشان كر، هێزێن گرێدای سازییا ئیستخباراتا ئیرانێ، هنه‌ك تیم ل ناڤه‌ندا باژارێ بانه جێگیر كرنه و ئه‌ركا پشكنینا مالێن كوردان خستنه پال.
ل گۆری ئاگاهیێن كو هه‌نگاوێ پارڤه‌كرنه، هه‌یا نها 20 كه‌س ژ بانه هاتنه بن چاڤكرن.
هێزێن ئه‌وله‌كاریێ و یێن ئێتیلاعاتێ، وێنه‌یێن 5 كه‌سان ل ده‌ما پشكنینا مالێن كوردان به‌لاڤ كرنه و ژ شێنیێن كورد پرسینه هه‌گه‌ر ڤان كه‌سێن كو د وێنه‌یان ده ناس بكن، یه‌ك ژ كه‌سێن د وێنه‌یان ده، كاله‌مێره و په‌ككه‌فتی یه.
محسن فه‌خریزاده زانایێ مه‌زنێ ئه‌تۆمی یێ ئیرانێ، ل 27 مه‌ها رابووری ل ناڤه‌ندا ته‌هرانێ هاتبوو ته‌رۆر كرن، ئیرانێ ئسرائیل ب ته‌سفییه‌كرنا ڤی زانایێ خوه سووچبار كر و سۆزا تۆلهلدانێ داییه.
