ل دەمژمێرێن داوین یێن شەڤا رابووری ب سەدەما کارێن ئیستیفزازی یێن چەند گەریلایێن پەکەکێ ل نێزی گوندێ سگێرێ یێ سەر ب ئامێدیێ ڤە، شەر و نەئارامی د ناڤبەرا پێشمەرگە و چەکدارێن پەکەکێ دا قەومی.
چاڤکانیێن پێگەها دارکا مازی ل باشوورێ کوردستانێ راگەهاند، ل شەڤا رابووری ب سەدەما کارێن ئیستیفزازی یێن چەکدارێن پەکەکێ کو رازی نەبووی ل زالگەها پێشمەرگەیان راوەستن، هەر وەها ب سەدەما بێ رێزیکرن و رانەوەستان ل زالگەهێ د ناڤبەرا پەکەکێ و پێشمەرگەیێن سەر ب وەزارەتا پێشمەرگەیێن کوردستانێ ڤە شەر دروست بوو.
چاڤکانیێن پێگەها دارکا مازی ئاشکەرا کر، پشتی کو ترۆمبێلەکا چەکدارێن پەکەکێ ل زالگەها پێشمەرگەیان نە راوەستای، پێشمەرگەیان تەقەیا هەوایی ل سەر وێ ترۆمبێلێ کریە، لێ بەلێ چەکدارێن پەکەکێ هەر زوو ژ ترۆمبێلێ پەیا بوونە و راستەراست گوللـە بەردانە هێزێن پێشمەرگە، ب ڤێ سەدەمێ شەر و پەڤچوون دروست بوون.
ل گۆر زانیاریێن دەستپێکی حەتا نها زەرە و زیانێن جانی یێن هەر دو ئالیان نایێن زانین.
