ھاتە راگەھاندن کو ئیسال کوردێن ئێزیدی ژ بەر نەخوەشیا ڤیروسا کۆرۆنایێ جەژنا رۆژییێن ئێزی پیرۆز ناکەن.
وەکیلێ میرێ ئێزیدیان بۆ کارووبارێن پەیوەندیان میر جەوھەر عەلی بەگ ژ بۆ مەدیایا کوردستانێ راگەھاندیە، ژ بەر کو ھێشتا مەترسیا کۆرۆنایێ خلاس نەبوویە، میرێ ئێزیدیان بریار دا ئیسال جەژنا رۆژییێن ئێزی نەهێتە پیرۆزکرن.
میر جەوھەر گۆتیە، “ھەر گاڤا نەخوەشیا کۆرۆنایێ خلاس بوو وی دەمی جەژنا مەیە. ژ خوە دەما کەچ و زارۆکێن مەیێن د دەستێ داعشێ دا ژی بێنە رزگارکرن، ئەم دێ زێدەتر کێفخوەش بین و شنگال ژی دێ ئاسوودە بیت.”
ل گۆری ئایینێ ئێزیداتیێ، کوردێن ئێزیدی سپێدەهیا 15ێ کانوونێ دەست ب گرتنا رۆژیان دکەن و رۆژا ئینێ ژی جەژنا رۆژییێن ئێزی یە کو سێ رۆژان بەردەام دبیت.
