رێڤه‌به‌رییا خوه‌سه‌ر چاڤێ خوه‌ ل سۆتنا باره‌گه‌ها ئه‌نه‌كه‌سێ گرتنه‌

رێڤه‌به‌رییا خوه‌سه‌ر چاڤێ خوه‌ ل سۆتنا باره‌گه‌ها ئه‌نه‌كه‌سێ گرتنه‌

باره‌گه‌ها ئۆفیسا ئه‌نجوومه‌نا نشتیمانی یا كوردی ل سووریێ، ئه‌نه‌كه‌سێ ل عاموودێ ژ ئالیێ چەند کەسێن ناسنامەیا وان نەدیار ڤە ھات سۆتن، د ئەنجامێ دا ئالایێن کوردستانێ ژی ھاتن سۆتن، ئێرش دوھی ئێڤاری روو دایە.

ژ بەر کو چ کەس ل ئۆفیسێ نەبوون زەرەرێن جانی چێنەبوون لێ بەلێ زەرەرێن مادی ھەنە.

سەرۆکێ ئۆفیسا خوەجھی یا ئه‌نه‌كه‌سێ ل عاموودێ محه‌مه‌د شێخمووس ژ کوردستان 24 رە گۆت: “ئەم نکارن چ کەسان تۆمەتبار بکن، ژ بەر کو مە ب چاڤێ خوە نەدیت کا کێ سۆتییه‌، لێ ل ڤێرێ دەستھەلاتەک ھەیە، رێڤەبەرییا خوەسەر ھەیە و بەرپرسیارییا وانە. دڤێ ئەو بزانن، ھەگەر نەزانن ئەڤ کێماسیا دەرھەقێ وان دەیە”.

محه‌مه‌د شێخمووس دەستنیشان دکە کو د ڤان رۆژێن داویێ دا ئەڤ ئێرشا دوویەمینە ل سەر ئۆفیسێن ئه‌نه‌كه‌سێ و ژ رێڤەبەرییا خوەسەر کەسەکێ سەردانا وان نەکرییە و دەست ب لێکۆلینان ژی نەکرینە و گۆت: “ئەڤ لێکۆلین ئەرکێ وانە، لێ چاڤێن خوە ل مەسەلەیێ دگرن”.

پوستێن ھەمان بەش