ب سه‌ده‌ما ته‌قینه‌كێ كو ئیرۆ ل كابولا پایته‌ختا ئه‌فغانستانێ چێبوویه، جێگرێ والیێ كابولێ یێ ب ناڤێ مه‌حبوبوللا موحیبی جانێ خوه ژ ده‌ست دا.
به‌رده‌ڤكێ وه‌زاره‌تا ناڤخوه یا ئه‌فغانستانێ، تارق ئاریه‌ن داخویانی ژ بۆ مه‌دیایێ دا و گۆت كو ئیرۆ رۆژا سێشه‌می 15/12/2020ان ل ناڤچه‌یا ب ناڤێ میكرۆره‌یان-4 یا ناڤه‌ندا كابولێ، بۆمبه‌كه چاندی ب ئۆتۆمبێلا جێگرێ والیێ كابولێ مه‌حبوبوللا موحیبی ته‌قییا و ب وێ سه‌ده‌مێ جانێ خوه ژ ده‌ست دا.
ده‌ست نیشان كر، مه‌حبوبوللا موحیبی ل گه‌ل سه‌كره‌ته‌رێ خوه د ئۆتۆمبێلێ ده بوون و هه‌ردو كه‌سان جانێ خوه ژ ده‌ست دا، دوو ژ زێره‌ڤانێن وی ژی بریندار كه‌تنه.
به‌رده‌ڤكێ وه‌زاره‌تا ناڤخوه یا ئه‌فغانستانێ دبێژه: هینا نها تو ئالییان به‌رپرسیارییا ڤێ ته‌قینێ هلنه‌دایه سه‌رێ خوه، لێ به‌لێ گومان هه‌یه ته‌ڤگه‌را تالیبانێ كربه، ژ به‌ر كو ڤێ ته‌ڤگه‌رێ كریارێن ته‌رۆرێ یێن هه‌مئاوا ل كابولێ ئه‌نجام دانه.
