باله‌فران په‌كه‌كه‌ ل زاپێ بۆمبه‌باران كر

باله‌فرێن جه‌نگێ یێن ده‌وله‌تا تركیێ لڤ و ته‌ڤگه‌رێن چه‌كدارێن رێخستنا په‌كه‌كێ ل باشوورێ كورستانێ هه‌ده‌ف كرن و.زیانێن گیانی گه‌هاندنێ.

ل گۆری ئاگاهیێن وه‌زاره‌تا به‌رگریێ یا تركیێ كو ئیرۆ رۆژا چارشه‌مبی 16/12/2020ێ، ل ئه‌كاونتا خوه‌ یا تویته‌رێ به‌لاڤ كرینه‌، باله‌فرێن جه‌نگێ خالێن په‌كه‌كێ ل ناڤچه‌یا زاپێ كرینه‌ ئارمانج و چه‌كداره‌كێ رێخستنێ گیانێ خوه‌ ژ ده‌ست داییه‌.

ئه‌ڤ ئێریش هه‌موه‌ختا ئێریشێن رۆژێن ده‌رباسبوویی یێن ناڤچه‌یێن گاره‌، دێره‌لۆك و شێلادزێ دهێت كو هه‌ری كێم 5 چه‌كدارێن په‌كه‌كێ تێدا‌ گیانێ خوه‌ ژ ده‌ست دانه‌.

رێخستنا په‌كه‌كێ و بالێ وێ یێ سه‌ربازی، چ ئاگاهی ل ده‌ربارا ئێرشا ئیرۆ و ئێریشێن رۆژێن ده‌رباسبوویی به‌لاڤ نه‌كرینه‌.