وەزارەتا پێشمەرگە ئیرۆ ھشیاریەکە توند دا یهپهگێ و رێخستنا پهكهكێ و راگهاند كو بلا ئهڤ جارا داویێ به بوویهرهكه ووسا د قهومه.
بریکارێ وەزارەتا پێشمەرگە، سەربەست لەزگین ئیرۆ رۆژا چارشهمی 16/12/2020ان، ل ھەولێرێ د جڤینەکە چاپەمەنیێ دە راگھاند کو دوھ ب شەڤ چەکدارێن یەکینەیێن پاراستنا گەل یهپهگێ ژ ئالیێ رۆژئاڤایێ کوردستانێ ب رێیەکە قاچاخ ھەول دانە دەرباسی ھەرێما کوردستانێ ببن.
سەربەست لەزگین دیار کر کو 8 ئەندامێن یهپهگێ ھەول دانە ب رێیا قاچاخی دەرباسی ھەرێما کوردستانێ ببن و ھێزێن پێشمەرگە ژ ئەندامێن یهپهگێ داخواز کرنە کو ڤەگەرن، ژ وان 3 کەس ڤەگەریانە و 5 کەس ل ور مانە.
لەزگین ئەشکەرە کر کو پشتی چەند دەمژمێران ھێزەکە یهپهگێ ژ ناڤ سووریێ، ل دەمژمێر 4ێ سەرێ سبەھێ ئێریشی سەر خالەکە پێشمەرگە کرییە و ئێریشەکە درندانە و ب چەکێن گران ھاتیە کرن و ھەتا ساعهتهك و نیڤ شەر بەردەوام بوو و پێشمەرگە نەچار بوو کو خوە بپارێزە.
چهكدارێن یهپهگێ ب روو رهشی ڤهگهرین سووریێ
بریكارێ وهزارهتا پێشمهرگه وها گۆت: ئهوان ههول دا ڤێ خالا هێزێن پێشمهرگه كۆنترۆل بكن و ئێریشێ بكن، لێ بهلێ ئهو راستی شكهستنێ هاتن و ب روو رهشی ڤهگهرین سینۆرێ سووریێ.
ههر وها گۆت: ئهم وهكه وهزارهتا پێشمهرگه ب توندی ڤێ بوویهرێ شهرمهزار دكن، ههموو دزانن كو یهپهگێ ل ژێر فهرمان و تهعلیماتێن پهكهكێ تهڤ دگهریت و مهزلووم عهبدی ژی نكاره ژ فهرمانێن وان دهربكهڤه.
سهربهست لهزگین وها بهحسا بوویهرا شهڤا دهرباسبوویی و ڤێ سبههێ كر:
ل شهڤا دهرباسبووی ل ساعهت 1:00، ل سینۆرێ رۆژئاڤا و باشوورێ كوردستانێ ل ناڤچهیا سحێلا، شهر ل نێڤبهرا هێزهكه پێشمهرگههان و مهفهرهزهیهكا چهكدارێن پهكهكێ قهومی، وهختا كو ڤان چهكداران ههول دای ب رێكێن قاچاغ دهرباسی سینۆرێن باشوورێ كوردستانێ ببن.
ئهڤ چهكدار كو ههژمارا وان 8 كهس بوون، ژ پال هێزێن پێشمهرگه ڤه هاتن دیتن، پێشمهرگه ب ئهركا خوه رابوون و ژ وان خوهست ڤهگهرن، 3 ژێ ڤهگهرین لێ بهلێ یێن دن موكر بوون دهرباسی باشوور ببن و پشتره شهر قهومی، وان ب چهكێن گران ئێریشی پێشمهرگههان كر.
ل دهربارا دهست پێ كرنا شهر، سهربهست لهزگین ئهشكهره كر، وها خوهیابوو كو هێزهكه یهپهگێ ئامادهكاری كربوو، وان ل ساعهت 4:00 سهرێ سبههێ ئێریش پێشمهرگههان كر، وان ب چهكێن بی كهی سی 22 ملم، دۆشك و ئار بی جی تهقه ل پێشمهرگههان كر، شهر نێزی ساعهت و نیڤان دهوام كر، پشتره ئهو راستی شكهستنێ هاتن و نكارین ڤێ ئامانجا خوه ب جی بكهن.
بریكارێ وهزارهتا پێشمهرگه ههروهها دهست نیشان كر، پێشمهرگه رێ ناده تو چهكدارهك ل بهر چاڤین وان ب قاچاغی دهرباسی باشوور به، نه پهكهكه و نهغهیری پهكهكێ و نه ههر هێز و رێخستنهكه ل ژێر ههر ناڤ و نیشانهكی به.
پهكهكه بوویه داردهستێ دوژمن و دخوازه باشوور تێك بده
ل دهربارا بوویهرێن كو ل رۆژێن دهرباسبووی ل سینۆرێ ئامێدیێ قهومین و بهریا دهمهكێ ژی ل سینۆرێ چهمانكێ، بریكارێ وهزارهتا پێشمهرگه گۆت:
جهێ داخێ یه كو هنهك هێزێن ب ناڤ رێخستنێن كوردی بوونه داردهستێن ناحهز و دوژمنێن ههرێما باشوورێ كوردستانێ، بوونه بهشهك ژ وان پیلان و بهرنامهیێن كو دژومن دخوازن ب رێیا وان ڤێ پهرچهیا كوردستانێ تێكببن، لێ بهلێ ئهڤ یهك ژ بوی وان و داردهستێن وان خهیالهكه تونهیه.