ل گهل دهست پێ كرنا دانوستاندنان ل نێڤبهرا پهیهدێ و ئهنهكهسێ كو ئهڤ پێڤاژۆ بنگهها خوه ژ رێككهفتنا دهۆكێ یا ب سهرپهرشتییا مهسعوود بارزانی وهردگریت، رێخستنا پهكهكێ ههولێن مهزن دان ژ بۆ كو ئهڤ دانوستاندن راستی شكهستنێ بهێن، ژ بهر كو سهركهتنا دانوستاندنان ب واتایا بێ باندۆر مانا پهكهكێ ل رۆژئاڤا كوردستانێ دهێت، لهوما و ههر چهند دچیت، پهكهكه ههولێن خوه یێن تێكبرنا ڤان دانوستاندنان توند تر لێ دكهت.
ئهڤه دوو رۆژن ل رۆژئاڤا چ د قهومیت؟
كێ فهرمان دا یهپهگێ سنۆرێ باشوور ب بهزینیت و ئێریشی پێشمهرگههان بكهت؟
ئەڤه دوو رۆژن ل رۆژئاڤایێ کوردستانێ تشتێن نەخوەش و تێکدەر چێدبن، ئێریش دچنە سەر ئۆفیسێن ئەنهکهسێ و پارتیێن د ناڤا ئەنهکهسێ دا، ئالا کوردستانێ دهێته سۆتن و سیاسەتمەدار دهێنه تەھدید کرن، ئەو ئێریش کوردێن رۆژئاڤا دترسینن، کو ببن سەدەما خراب کرنا نێزیکبوونا ئالیێن کوردی.
ئۆفیسا ئەنکسێ ل عاموودێ و ئۆفیسا پارتییا ئەل وەحدە یا کوردستانی ل حەسەکێ ھاتنە سۆتن، ئەنهکهسه دبێژیت: «ئارمانجا وان ئێریشان خراب کرنا دانوستاندنانە».
پارتیا ئەل وەحدە، داخویانیەک بەلاڤ کر و گۆت: «جوانێن شۆرەشگەر ب مۆلۆتۆفان ئێریش برنه سەر ئۆفیسا وان ل حەسەکێ، ئالا کوردستانێ سۆتن، تشتێن د ناڤ دا خراب کرن و تێک برن، ئەو ئێریش ناکەڤنه د خزمەتا یەکرێزییا کوردی دا».
ھەروھا ئێڤارییا رۆژا سێشەمبیێ، ئۆفیسا سەرەکی یا ئەنهکسێ ل عاموودێ ژ ئالیێ چەند کەسێن نەناس ڤە ھات سۆتن.
محهمهد عومهر شێخمووش، سەرۆکێ ئۆفیسا ئەنهکهسێ ل عاموودێ دبێژیت: «ئهڤ بوویهر ل پێش چاڤێ رێڤهبهرییا خوهسهر چێبووینه و رێڤهبهرییا خوهسهر چ لێكۆلین دهست پێ نهكرینه».
سۆتنا ئالایێ کوردستانێ ل عاموودێ پشتی سۆتنا ھەمان ئالا ل دربێسپیێ ب دوو رۆژان دهێت.
