ره‌ژیما ئیسلامی ئا ئیرانێ، سه‌رێ سبه‌ها ئیرۆ، جوانه‌كێ كورد ل گرتیگه‌ها ناڤه‌ندی یا باژارێ سه‌قزێ یێ رۆژهلاتا كوردستانێ ب دارڤه‌كر.
رێخستنا هه‌نگاو یا مافێن مرۆڤان به‌لاڤ كر، ئیرۆ رۆژا پێنجشه‌می 17/12/2020ان، جه‌زایێ بدارڤه‌كرنێ ل سه‌ر جوانه‌كێ كورد ژ باژارێ سه‌قزێ، ل گرتیگه‌ها وی باژاری هات جی ب جی كرن.
ده‌ست نیشان كر، ئه‌ڤ جوان ب ناڤێ «محه‌مه‌د مورادی» یه، به‌ریا 5 سالان ئه‌و ل سه‌ر دۆسیه‌كا كوشتنا ئه‌نقه‌ست هاتبوو بن چاڤ كرن و ئیرۆ جه‌زایێ ب دارڤه‌كرنێ ل سه‌ر هات جی ب جی كرن.
ره‌ژیما ئیسلامی ئا ئیرانێ د ئیسالێ ده ب ده‌هان جوانێن كورد ب دارڤه كرنه، پرانی ژێ ل سه‌ر چالاكیێن سیاسی، ئه‌ندامه‌تییا پارتیێن كوردستانی و كوشتنا ب ئه‌نقه‌ست تێن ب دارڤه‌كرن، رێخستنێن مافێن مرۆڤان یێن جیهانێ ره‌ژیما ئیسلامی ب توندی ل سه‌ر ده‌وام كرنا دارڤه‌كرنێ ل وی وه‌لاتی ره‌خنه دكن و ژێ خوه‌ستنه ده‌ڤ ژ جه‌زایێ دارڤه‌كرنێ به‌رده.
