ل بەشا نەخوەشیێن گران یا کۆڤید-19ێ یا نەخوەشخانەیا زانینگەھا سانکۆ یا باژارێ دیلۆكێ ل باكورێ كوردستانێ ژ بەر ته‌قینا بوتلێ ئۆکسجینێ، ئاگر چێبوو و 8 نه‌خوه‌شان جانێ خوه ژ ده‌ست دا.
د داخویانیا نەخوەشخانەیا زانینگەھا سانکۆیێ دا ھات دیارکرن کو ئیرۆ رۆژا شه‌می 19/12/2020ان، ل بەشا نەخوەشیێن گران یا کۆڤید-19ێ و ژ به‌ر ته‌قینا بوتلێ ئوكسجیێ، بوویه‌ره‌كا ئاگربه‌ربوونێ چێبوو و زیانێن گیانی ل په‌ی هاتن.
ژ ئەنجاما خه‌باتێن لەزگین یا تیما نەخوەشخانەیێ و یه‌كینه‌یێن ئاگرکوژییا شارەدارییا مه‌زن یا دیلۆكێ، ئاگر د دەمەکێ کن دا هات کۆنترۆل كرنێ.
ل بەشا نەخوەشیێن گران 7 کەس و کەسەک ژی ل دەما ڤه‌گوهاستییه نەخوەشخانەیەکا دن، ب تەڤاھی 8 نەخوەش مرن.
