باله‌فرێن جه‌نگێ یێن ده‌وله‌تا تركیێ لڤ و ته‌ڤگه‌رێن چه‌كدارێن په‌كه‌كێ ل باشوورێ كوردستانێ هه‌ده‌ف كرن، 3 چه‌كداران جانێ خوه ژ ده‌ست دانه.
ل گۆر ئاگاهیێن كو وه‌زاره‌تا به‌رگریێ یا تركیێ كو ئیرۆ رۆژا شه‌می 19/12/2020ان ل ئه‌كاونتا خوه یا تویته‌رێ پارڤه‌كرنه، باله‌فرێن جه‌نگێ لڤ و ته‌ڤگه‌رێن چه‌كدارێن په‌كه‌كێ ل ناڤچه‌یا ئاڤاشین یا ل باشوورێ كوردستانێ هه‌ده‌ف كرنه.
ده‌ست نیشان كر، د ئێریشێ ده، 3 چه‌كدارێن په‌كه‌كێ هاتنه هه‌ده‌ف كرن و جانێ خوه ژ ده‌ست دانه.
ئه‌ڤ ئێریش هه‌موه‌ختا ئێریشا 24 ساعه‌تێن ده‌رباسبوویی تێ كو ده‌وله‌تا تركیێ ل سینۆرێ زاخۆ، ئامێدیێ و دیره‌لۆكێ ئه‌نجام دایینه.
رێخستنا په‌كه‌كێ هێژان تو ئاگاهی ل ده‌ربارا ڤان ئێریشان و ژ ده‌ست دایینا چه‌كدارێن خوه پاره‌ڤه‌نه‌كرنه.
