جه‌بلخانه‌یه‌كه چه‌كان یا گرێدای كۆمێن چه‌ته‌یێن تركیێ ل گونده‌وارێ عه‌فرینێ یا رۆژئاڤا كوردستانێ ته‌قیا و 6 چه‌كدار كوشتن.
نه‌رینگه‌ها سووری یا مافێن مرۆڤان ئه‌شكه‌ره كر، ئیرۆ رۆژا شه‌می 19/12/2020ان، جه‌بلخانه‌یه‌كا گرێدای میلیشیا ب ناڤێ ئه‌حراروشام كو تركیه پشتگریێ دده‌تێ، ل گونده‌وارێ عه‌فرینێ ته‌قیا، 6 چه‌كدارێن وێ كۆمێ كوشتن.
ته‌قینا ئیرۆ، هه‌موه‌ختا ته‌قینێن دوهـ یێن جه‌بلخانه‌یێن كۆما ئه‌حراروشام ل گوندێ جۆلقان یێ جندرێسا ناڤچه‌یا عه‌فرینێ تێ كو تێده 5 چه‌كدارێن وێ كۆمێ هاتبوون قه‌تل كرن.
ل گۆر نه‌رینگه‌ها سووری یا مافێن مرۆڤان، ل رۆژێن ده‌رباسبوویی ژی، ل ناڤچه‌یا معێبتلی یا گونده‌وارێ عه‌فرینێ كو ل ژێر كۆنترۆلا تركیێ ده یه، مایینه‌ك ب ئۆتومبێله‌كه له‌شكری ڤه یا كۆما به‌ره‌یا شامی یه ته‌قیا بوو و هنه‌ك چه‌كدارێن كو د ئۆتۆمبێلێ ده بوون، بریندار كه‌تنه.
