پەکەکە رەواتیێ ددەتە ئاکەپێ

پەکەکە رەواتیێ ددەتە ئاکەپێ
  • زکری مووسا

ئیرۆ ئێڤاری داخویانیەک من خواند کو یا کەجەکەیا پەکەکێ بوو. هەر چەند من ئینا و بر، من ژ ڤێ پەرچەیا داخویانیا وان فێم نەکر، “پارتی رەواتیێ ددەتە ئاکەپێ و جەهەپێ”. دیارە مەرەما وان ئەڤەیە کو پارتی رەواتیێ ددەتە حیزبەکا ئیسلامی و پارتیەکا نەژادپەرەست یا ترکیێ. لێ هەر چەند من هزرا خوە کر من فێم نەکر بۆچی پەکەکێ ئەڤ یەک نڤیساندبوو. ژ خوە هەر دو حیزب یێن ل وەلاتەکێ دی و ب دەهان ملیۆن لایەنگر و دەنگدرێن خوە هەنە. یانی چەوا رەواتیێ ژ پارتی وەردگرن؟

نها پرسا گەلێ کوردستانێ ئەڤەیە، پەکەکێ پرسگرێک ل گەل ئاکەپێ و جەهەپێ هەیە یان ل گەل پارتی؟ بۆچی  نها پەکەکێ هەموو کارێن خوە یێن ئیستیفزازی و سەرئێشەیێن خوە ئانینە د ناڤا هەرێما باشوور دا؟ پەکەکێ کێشە ل گەل هەرێما باشوور هەیە یان ژی ل گەل ترکێ؟ گەر کێشە ل گەل هەرێما باشوور و پارتی نینە و ل گەل ترکیێ هەیە بۆچی  کەرەم ناکەت بچیتە ترکیێ و ل وێ دەرێ خەباتێ ژ بۆ وەکو ئەو ب خوە دبێژن بەرخوەدانا گەل ناکەن؟

هەگر کێشە ل گەل ئەردۆگان و جەهەپێ هەیە بۆچی  پستۆیێ کوردێن ئێزدی گرتیە و شەنگال داگیرکریە؟ جەهەپێ و ئێزدیان چ پەیوەندی ب هەڤ را هەیە؟ هەگەر کێشە ل گەل جەهەپێ و ئاکەپێ هەیە بۆچی  ئارپێجی و نیشانەشکێنێن خوە فرێدکەنە ناڤا خوەپێشاندەرێن نە رازی یێن هەرێما کوردستانێ؟ گەلۆ دەردێ وان چییە کو بووینە بەلا ل رۆژئاڤا و گەلێ رەسەن و تەکۆشەرێ رۆژئاڤا دەربەدەر و زیندانی دکەن و وان دئێشینن؟

بۆچی  ب خواستەکا دلێ جەهەپێ و ئاکەپێ سەرەدەریێ دکەن و پاشڤەکێشیێ دکەنە ناڤا باشوورێ کوردستانێ و دەستێ جەندەرمەیێن ترکیێ دکێشنە ناڤ ئاخا هەرێمێ و شەری ژی ل دژی وان ناکەن؟ باشە گەر نەوێرنە ترکان بۆچی  ژ بۆ کوردێن بێ کەس و مەزلووم هندە وێرەکن؟

گەلۆ چەکدارێن پەکەکێ ب ئاخافتنا کێ و بۆچی  ل شەنگالێ جلێن حەشدا شەعبی ل خوە دکدکەنە بەر خوە و چەکی ژ وان دستینن؟

گەلۆ بۆچی  ل باکور چ کوردەک سلاڤی پەکەکێ ناکەت و ب سەدان هەزاران کورد تەڤلی پارتیا ئاکەپێ و پارتیێن دی بوونە؟

ل ڤێرە کێ رەواتی دایە ئاکەپێ و جەهەپێ؟ پەدەکێ یان ژی پەکەکێ ب خوە؟

خەباتا سیاسی و ئاشتیانە یا کوردان ل ترکیێ پێنگاڤێن گەلەک باش ئاڤێتبوون. کوردان 80 کۆرسی ل پەرلەمانێ ترکیێ هەبوون. هندە یێن ب هێز بوون کو ئاکەپێ دخواست هەدەپێ بکەتە شریکا خوە د حکوومەتێ دا و خوە وەزارەتا دەرڤە ژی بدەتێ. لێ بەلێ ژ وان ژی تێک و پێک دا. سێ، چار پۆلیسێن ترکیێ کوشتن و ئەڤ هێجەت دا دەستێ ترکێن شۆفینی کو دەست باڤێژنە بکارئانینا هێزێ و خەباتا سیاسی یا کوردان راگرن. ل رۆژئاڤا هندە ب ئەحمەقی سەرەدەری کر و هێجەت و رەواتی دا ترکێن فاشیست کو عەفرینێ و بەشەکی ژ ئاخا رۆژئاڤا داگیر بکەن و پەکەکە ژی ل قەندیلێ بەرێ خوە بدەتە وان. ژ خوە ل عەفرینێ پارتی و پێشمەرگە نەبوون…

نها پەکەکە مەکینەیەکا ئالۆز و بێ ئارمانجە کو نەیارێن کوردستانێ مفا ژێ وەردگرن ژ بۆی دروستکرنا فەوزایێ هەر جهەکی کو کورد لێ هەبن ب سەدەما پەکەکێ هێدی هێدی ئاخێ ژ کوردان دستینن.

هەر کەسەک ژی ل باشوور ژ کەربێن پارتی مجامەلەیا پەکەکێ بکەت و رەواتیێ بدەتە پەکەکێ بلا باش بزانیت شەرعیەت دایە ئاکەپێ و جەهەپێ.

تێبینێ: نڤیسین ژ فەیسبووکێ نڤێسەری هاتیە وەرگرتن.

پوستێن ھەمان بەش