ڤیزەیا دناڤبەرا ئیراقێ و ترکیێ دێ رابیت!

بریارە مەھا بهێت جڤینەک د ناڤبەرا هەر دو ئالیان دا بهێتە ئەنجامدان و د سالا نوو دا ڤیزە د ناڤبەرا ئیراق و ترکیێ دا بهێتە راکرن.

بالیۆزێ ئیراقێ ل ئەنقەرێ حەسەن جەنابی دا خویاکرن کو د مەھا بهێت دا جڤینەکا گرنگ د ناڤبەرا ئیراق و ترکیێ دا دێ هێتە سازکرن و بریار ل سەر چالاککرنا رێکەفتنا 2009ێ دی هێتە دان کو تایبەتە ب ھاتنووچوونا گەشتیاران بێ ڤیزا.

ئاژانسا فەرمی یا ترکیێ دا خویاکرن کو د مەھا چلە دا ڤیزە د ناڤبەرا ترکیا و ئیراقێ دا دێ هێتە راکرن.

حەسەن جەنابی ل سەر ھەژمارا خوەیا فەیسبووکێ بەلاڤ کریە، “یەک ژ مژارێن سەرەکەی یێن سەردانا شاندا حکوومەتا ئیراقێ  ب سەرۆکاتیا مستەفا کازمی بۆ ئەنقەرە رێکەفتن بوو ل سەر ڤەگەرا بۆ رێکەفتنا سالا 2009ێ یا تایبەت ب راکرنا ڤیزەیان کو ژ بەر مەترسیێن ئەولەکاریێ ژ لایێ ترکیێ ڤە ھاتبوو راگرتن.

ھەر ل گۆری داخویانیا حەسەن جەنابی د مەھا بهێت دا جڤینەکا یەکلاکەر د ناڤبەرا شاندێن ئیراق و ترکیێ دا دێ هێتە سازکرن و تێدا دێ بریار ل سەر ڤەگەرین بۆ رێکەفتنا 2009ێهێتە دان.