بەردەڤکێ ھێزێن سووریەیا دەمۆکراتیک (ھسد) کنۆ گابریەل دەرحەقێ ئێرشێن ترکیێ یێن ل سەر عەین عیسایێ دا بانگ ل نەتەوەیێن یەکگرتی کر و داخواز کر سنۆرەک ژ بۆ ئێریشێن ترکیا بهێتە دانان، دا کو مافێن مرۆڤی بنپێ نەکەت.
بەردەڤکێ ھەسەدە بەشداری بوولتەنا نووچەیان یا K24 بوو. گابریەل دبێژیت، “تایبەت رەوشا عەین عیسا وەکوو ھوون ژی دبینن دووھی و ئیرۆ ئارامە. لێ جار جاران شەر د ناڤبەرا مە و گرۆپێن چەکدار دا چێدبن. ئەڤ رەوشە نە وەک حەفتەیا بۆرییە. حەفتەیا بۆری شەر ل وێ دەڤەرێ گەلەک تووند بوو. ھەر وھا ژ ئالیێ گرۆپێن چەکدار ڤە تۆپبارانەکا تووند ھەبوو کو ترکیا پشتەڤانیا وان دکەت. ناڤەندا باژارۆکێ عەین عیسا و دەردۆرا وێ دکرنە ئارمانج. د ڤێ چارچۆڤەیێ دا ژی ھێزێن سووریایا دەمۆکرات بەرسڤا ئێرشێن گروۆپێن چەکدار دان. نەهێلا کو ئەو گرۆپێن چەکدار پێش بکەڤن. کو ھەولێن وان بەردەوام بوون دا کو دەرباسی گوندێن ل سەر ریا M4 ببن.”
ھەروھا بەردەڤکێ ھەسەدێ سەبارەت ب تێکلیێن ل گەل رووسیا دا ژی دبێژیت، “بەلێ پەیوەندیا مە ل گەل ھێزێن رووسی یێن ل دەڤەرێ بەردەوامن. تایبەت ل سەر وێ مژارێ ژی ھەم ل سەر مژار و بنپێکرنێن دی یێن ل وێ دەڤەرێ چێدبن، گۆتووبێژێن مە ل سەر ڤێ بنگەھێ بەردەوامن. ژ بۆ کو راوەستاندنا ئێرشێن گرۆپێن چەکدار ئەم ژی ل ھێڤیا بەرسڤا رووسیایێ یا ئاشکەرا نە. دا کو گاڤێن پراکتیک باڤێژن. بنپێکرنێن گرۆپێن چەکدارێن سەر ب ترکیا ڤە یێن ل سەر باژارۆکێ ئەین ئیسا راوەستینن. تایبەت ڤێ حەفتەیێ و مەھا بۆری دا ژی…”
دەربارێ ئێریشێن ترکیێ دا گابرییێل دبێژیت: “گەفێن ترکیا بەردەوامن. نە تەنێ دەرحەقێ عەین عیسا، ل دەڤەرێن دی ژی: ل باکورێ رۆژھەلاتێ سووریێ گەف بەردەوامن. شەر نە تەنێ ل عەین عیسا ھەیە، ل دەڤەرێن دی ژی بەردەوامن. تلتەمر و گوندەوارێن وێ. ل گووندەوارێن سەرێکانیێ، گرێ سپی بەردەوامن. من باوەرە بەرنامەیا ترکیا ئەوە کو جھێ کۆنترۆلا خوە ل سووریە بەرفرەھتر بکەت. هیشتا ئاخا نوو ژی ب دەست بێخیت. ب ریا گرۆپێن چەکداریێن سەر ب وێ ڤە. ئەز نە د وێ باوەریێ دا مە، ترکیا نەشێت ڤی دەمی ئەو تشتێن دخوازیت ب دەست خوە ڤە بینیت. نەشێت ل ڤێ دەڤەرێ زێدەتر ئاخێ ب دەست خوە ڤە بینیت. دڤێت رێکەفتنەک چێببیت، دڤێت رێکەفتنەک هەبیت. پەیمان و رێکەفتنێن بەرێ ژی یێن هەی. د ناڤبەرا ھێزێن ھەرێمی، دەربارێ دەڤەرێن مە دا. لێ نھا تشتەکێ وسا نینە. ترکیا نەشێت چ ئەردان ب دەستخوە ڤە بینیت. چ گوھارتن ژی د کۆنترۆلا ئاخێ دا ل دەڤەرێ نەھاتنە گوھارتن.”
د بەردەوامیێ ژی دا گابرییێل دبێژیت، “مەترسی ل سەر سڤیلان گەلەک ھەیە. قووربانیێن سڤیل ژی ھەنە. د ئەنجاما ئۆپەراسیۆنێن لەشکەری دا. ئەنجاما تۆپبارانا بەردەوام ل سەر باژێرۆکێ عەین عیسا و گوندێن دەردۆرا وێ تێنە کرن. ل گۆر راپۆرتێن دگەھن دەستێ مە حەتا نھا قووربانی ھەنە، سڤیل شەھید کەتنە. حەتا ئەم دشێین بێژین ئیرۆ د چارچۆڤەیا ڤی شەری دا دبیتە سەبەبا ئالۆزتربوونا دەڤەرێ. جڤاکا سڤیل ژی ل ژێر مەترسیێ دایە. ئەو ژی د مەترسیێ دا دژین. ئەم دخوازین ئەڤە بهێتە راوەستاندن. ئەم داخوازێ ژ نەتوەیێن یەکگرتۆ دکەین کو ڤان ئۆپەراسیۆنان راوەستینن، جڤاکا ناڤدەولەتی دەستوەردانێ بکەت، دڤێت پابەند بن. نها ڤیریسا کۆرۆنایێ ھەیە. ئەم مژوولی تشتەکێ دی نە. ئەم ژ نەتەوەیێن یەکگرتۆ داخواز دکەین، نە تەنێ ل سووریا، ل دەڤەرێن دی ژی یێن ترکیا کو مافێن مرۆڤی بنپێ دکەت راوەستینت. ئەڤ یەک ژ جڤاکا ناڤدەولەتی دهێتە خواستن کو ب بەرپرسیارەتیا خوە رابیت. سنۆرەکێ ژ بۆ ترکیا دانیت، ترکیا سزا بدەت. دا کو ڤان بنپێکرنا دوبارە ئەنجام نەدەت.”
