هه‌ر یێك ژ ده‌وله‌تێن رووسیا فه‌ده‌رال و ره‌ژیما سووریێ زه‌ختا خوه یا ل سه‌ر هه‌سه‌دێ زێده كرنه ژ بۆ كو باژارۆكێ عه‌ین عیسایێ راده‌ست بكه، تركیه‌یێ هه‌مان داخوازی هه‌یه و ئه‌ڤ یێك كرییه مه‌رجێ راگرتنا ئێریشان.
ل گۆر ئاگاهیێن ئاژانسا سپۆتنیكێ یا رووسی، ل رۆژێن ده‌رباسبوویی و ل سەر داخوازا ئالیێ ترکیێ، جڤینەک د ناڤبەرا ئەفسەرێن رووس و ترک دە ل دەردۆرا باژارێ عەین عیسا ھاتە کرن دا کو چارەنڤیسا باژێر وەرە نیقاش کرن، د جڤینێ دە ئالیێ ترک داخواز کرییە ژ بۆ كو بگھن تێگھیشتنەکێ د دەربارێ وێ باژارۆکی دە، مەرجێ ڤەکشاندنا تەماما شەرڤانێن هێزێن سووریایا ده‌مۆكراتیك هه‌سه‌دێ ژ وی باژارۆکی کرییە.
ژ ئالیەکی دن ڤە ژی، رووسیا و ره‌ژیما سووریێ داخواز ژ ھه‌سه‌دێ کرنە، دا کو رێ ل بەر ئێریشێن ترکیێ بگرن، دڤێت هه‌سه‌ده ژ عەین عیسایێ ڤەکشە و رادەستی ئارتێشا سووریێ بکە و ئالا سووریێ ل سەر تەڤاھیا سازیێن فەرمی بێ بلند کرن.
عەین عیسا سەر ب گرێ سپی ڤەیە و 55 كم ل باکورێ رەقایێ دکەڤە. گرینگیا وێیا ستراتەژیک ئەوە کو ل سەر رێیا ناڤدەولەتی ئێم4 دکەڤە و رۆژھلاتێ سووریێ و رۆژئاڤایێ وێ و ب تایبەت ھەر دو ھەرێمان کۆبانی و جزیرێ ب ھەڤ ڤە گرێ ددە.
