ئاردۆگان: ده‌میرتاش ئازاد ناكه‌ین

ئاردۆگان: ده‌میرتاش ئازاد ناكه‌ین

سه‌رۆك كۆمارێ تركیێ ئه‌شكه‌ره‌، ده‌وله‌تا تركیێ ب تو ئاوایی پابه‌ندی دادگه‌ها مافێن مرۆڤان یا ئه‌ورۆپایێ نابه‌ و سه‌لاحه‌ددین ده‌میرتاش، نایێ ئازاد كرن.

دادگەھا مافێن مرۆڤان یا ئەورۆپایێ گۆتییه‌: «زیندانیکرنا دەمیرتاش ل دژی 5 مادەیێن پەیمانا مافێن مرۆڤان یا ئەورۆپایێ یە و دڤێت دەمیرتاش دەملدەست وەرە ئازاد كرن».

د ڤێ ده‌ربارێ ده‌، ره‌جه‌ب ته‌یب ئاردۆگان سەرۆک كۆمارێ ترکیێ داخویانی دا و گۆت: ئەو پابەندی بریارا دادگەھا مافێن مرۆڤان یا ئازادکرنا سه‌لاحه‌ددین دەمیرتاش نابن.

ل گۆر رۆژنامەیا حوریەت، ئەردۆگان، د بەشدارییا جڤینا دەستەیا بلند یا ئاک پارتیێ دا، ل دەرباری بریارا دادگەھا ئەورۆپا یا مافێن مرۆڤان دە ئاخڤی و گۆت: هێژا پرۆسەیا یاسایی یا ناڤخوەیی تەمام نەبوویە و هێژا دادگەھێن ترکیەیێ بریارێن داویێ نەدانە.

هه‌روه‌ها ده‌ست نیشان كر، دادگەھا مافێن مرۆڤان، د دەرباری تەرۆرێ دا ھەموو بریاران دپەژرینە، ل دژی ترکیێ بریاران ددەت و ئالیگرێن خوە دپارێزیت و گۆت: ئه‌م پابەندی وێ بریارێ نابن.

دادگەھا مافێن مرۆڤان یا ئەورۆپایێ دەربارێ ھەڤسەرۆکێ بەرێ یێ پارتییا دەمۆکراتیکا گەلان، سه‌لاحه‌ددین دەمیرتاش دا بریارا خوە دا و ئه‌شكه‌ره‌ کر، زیندانیکرنا ده‌میرتاش ل دژی 5 مادەیێن پەیمانا مافێن مرۆڤان یا ئەورۆپایێ یە و پێویسته‌ دەملدەست وەرە ئازاد كرن.

پوستێن ھەمان بەش