ل هه‌ولێرێ ئاگر ب پێگه‌هه‌كه‌ په‌ترۆلێ كه‌ت

پێگه‌هه‌كه‌ ته‌سفییا په‌ترۆلێ ئیرۆ ل سینۆرێ هه‌ولێرێ ئا پایته‌ختا باشوورێ كوردستانێ ته‌قییا و ب وێ سه‌ده‌مێ 3 كارمه‌ندان جانێ خوه‌ ژ ده‌ست دا.

ل گۆری ئاگاهیێن ده‌ستێ مه‌، ئیرۆ رۆژا پێنجشه‌می 24/12/2020ان، ل کەورگۆسكا ناڤچه‌یا هه‌ولێرێ شه‌وات ب پێگه‌هه‌كه‌ تاسفیێ یا په‌ترۆلێ كه‌ت و د ئه‌نجاما بوویه‌رێ ده‌، 3 كارمه‌ندان جانێ خوه‌ ژ ده‌ست دا و یه‌كێ دن بریندار كه‌ت.

بەردەڤکێ پۆلیسێن بەرەڤانییا باژێر ل ھەولێرێ سەرکەوت کارەش ژ كه‌نالا كوردستان 24ێ ره‌ راگهاند، ژ بەر بوویەرەکە شەواتێ ل پێگه‌ها ته‌سفییا په‌ترۆلا کەورگۆسکێ، سێ کەسان جانێ خوە ژ دەست دان و کەسەک ژی بریندار بوو كو كارمه‌ندێن ته‌سفیه‌خانێ بوون.

هه‌ر وها ده‌ست نیشان كر کو تیمێن ئاگرکوژ کارین شەواتێ کۆنترۆل بکن و پشتره‌ خه‌بات له‌كۆلین ل سه‌ده‌مێن بوویه‌رێ ده‌ست پێ كرنه‌.