جێمس جێفری: په‌كه‌كه‌ دێ بیته‌ ئه‌گه‌را ژناڤبرنا هه‌سه‌دێ

جێمس جێفری: په‌كه‌كه‌ دێ بیته‌ ئه‌گه‌را ژناڤبرنا هه‌سه‌دێ

نوونەرێ بەرێ یێ ئه‌مەریکا ل سووریێ، جێمس جێفری، هه‌سه‌ده‌ ژ 4 خه‌له‌تییان ھشیار کر و گۆت: «گرتنا هه‌سه‌دێ‌، یەک ژ وان ھەر چار تەدبیران، دێ بیته‌ ئه‌گه‌را دربێن كوژه‌ك ژ بۆی وێ، یه‌ك ژێ په‌یوه‌ندییا دگه‌ل په‌كه‌كێ یه‌».

جێفری د گۆتارەکێ دا ل ناڤەندا لێکۆلینێ یا وێلسۆن ل واشنگتۆنێ کو ئەو نھا سەرۆکێ بەرنامەیا ئاسیایا رۆژئاڤایە ل وێ ده‌رێ، گۆت کو دڤێت هه‌سه‌ده‌ خوە ژ وان ھەر چار گاڤان دوور بكه‌ت ئه‌و ژی ئه‌ڤه‌نه‌:

  • قوت كرنا شاندنێن نەفتێ ژ بۆ شامێ.

  • خوەسەری یان سەرخوەبوونا ژ سووریێ.

  • بهێز كرنا په‌یوەندیێن دگەل په‌كه‌كێ کو وەک کۆمەکا “تەرۆریست” دهێته‌ هه‌ژمارتن.

  • ئێریش كرنا سه‌ر تركیێ ژ باکورێ رۆژھلاتێ سووریێ.

جێفری دیار کر کو “هه‌سه‌ده‌” زەڤیێن نەفتێ ل باکورێ رۆژھلاتا سووریێ کۆنترۆل دکەت كو به‌رهه‌ما وان دگه‌هیته‌ دۆرا 100 هه‌زار بەرمیلان د رۆژێ دا كو بەشەک ژێ ل باکورێ رۆژھلاتا سووریێ دهێته‌ خەرج کرن و به‌شه‌كێ دی ب بهایێن ئه‌رزان دهێته‌ فرۆتن.

جێفری دیار کر کو بێی دەستەکێ دی، ئان ژی د رەوشا کو ھێزێن ئه‌مەریکی ژ سووریێ دەرکەڤن، زه‌حمه‌ته‌ هه‌سه‌ده‌ ھەڤگرتنا خوە به‌رده‌وام بكه‌ت، ژ به‌ر نه‌بوونا ھێزەکا ئاسمانی و و بێ باوه‌رییا وێ وه‌كو هێز د جڤاكێن ئه‌ره‌بی دا.

جێفری هه‌روه‌ها گۆت: هه‌سه‌ده‌ نه‌شێت بمینیت هه‌گه‌ر هێزێن ئه‌مه‌ریكایێ هاتن ڤه‌كێشان، ژ به‌ر كو رژێما سووریێ و رووسیا ژی دێ ئێریشی ناڤچه‌یێن ژێر ده‌ستهلاتا وێ كه‌ن و ل وێ ده‌مێ ئه‌و نه‌شێت وان ناڤچه‌یان بپارێزیت.

ل گۆری جێفری، “هه‌سه‌ده‌” د راھێنان و چەکان دا ھەوجەیی ب پشتگرییا لەشکەرییا راستە راست هه‌یه‌، هه‌موه‌خت پشتگرییا دیپلۆماتیکی یا ئه‌مه‌ریكایێ ژ بۆ پاشڤه‌برنا ھەولدانێن لەشکەری و سیاسی یێن کو ژ ئالیێ ترکیە، رووسیا و حكوومه‌تا سووری ڤە ژ بۆ لاوازکرنا هه‌سه‌دێ دهێنه‌ كرن.

پوستێن ھەمان بەش