هه‌ڤسه‌رۆكێ پارتییا ده‌مۆكراتیك یا گه‌لان یێ ئاگریێ، ب ئه‌گه‌را پرۆته‌ستۆكرنا بریارا گرتنا هه‌ڤسه‌رۆكا كه‌جه‌دێ له‌یلا گۆڤه‌نێ، ئیرۆ هات ده‌سته‌سه‌ر كرن.
ل گۆر ئاگاهیێن ده‌ستێ مه، ئیرۆ رۆژا پێنجشه‌مبی 24/12/2020ێ، ل ئاگریێ سپێدێ پۆلیسان ب سه‌ر مالا جه‌مال ئاكار، هه‌ڤسه‌رۆكێ هه‌ده‌پێ یێ باژێر و جه‌ره‌ن بارش ئه‌ندامێ ئه‌نجوومه‌نا شاره‌داریێ یێ هه‌ده‌پێ دا گرتن و ده‌سته‌سه‌ر كرن.
پشتی ئیفادەیا وی یا ل باره‌گه‌ها پۆلیسان یا باژێرێ ئاگریێ، بارش سەربەست ھاتە بەردان، ھەڤسەرۆکێ هه‌ده‌پێ یێ ئاگریێ ئاکار ھێژان گرتییه.
ھاتە دیار کرن هه‌لاویستنا سلۆگانێن پرۆته‌ستۆ كرنا جه‌زایێ ھەڤسەرۆکا كه‌جه‌دێ لەیلا گوڤەنێ ب باره‌گه‌ها پارتیێ ڤه، ژ بارش ھاتییە پرسین.
