ئارته‌شا تركیێ ئیرۆ جاره‌كه دن ئێریشا باژارۆكێ عه‌ین عیسا كر، دۆربه‌را باژێر و رێیا M4 تۆپباران كر.
ل گۆری ئاگاهیێن ده‌ستێ مه، ئیرۆ رۆژا شه‌می 26/12/2020ان، ئارته‌شا تركیێ و كۆمێن چه‌كدارێن گرێدای وێ، دۆربه‌را باژێرێ عه‌ین عیسا تۆپباران كر و به‌شه‌كێ رێیا ب ناڤێ M4.
تۆپبارانا تركیێ ل دۆربه‌را گوندێ مشێرفیێ و رێیا M4 هه‌ده‌ف كرییه.
ئه‌ڤ ده‌ما پێتری حه‌فتییه‌كێ یه شه‌ر و په‌ڤچوون ل نێڤبه‌را ئارته‌شا تركیێ و هێزێن سووریایا ده‌مۆكراتیك ده ل عه‌ین عیسایێ ده‌وام دكه، هه‌ریێك ژ ده‌وله‌تێن رووسیا فه‌ده‌رال و ره‌ژیما سووریێ زه‌ختا خوه یا ل سه‌ر هه‌سه‌دێ زێده كرنه ژ بۆ كو باژارۆكێ عه‌ین عیسایێ راده‌ست بكه، تركیه‌یێ هه‌مان داخوازی هه‌یه و ئه‌ڤ یێك كرییه مه‌رجێ راگرتنا ئێریشان.
عەین عیسا سەر ب گرێ سپی ڤەیە و 55 كم ل باکورێ رەقایێ دکەڤە. گرینگیا وێیا ستراتەژیک ئەوە کو ل سەر رێیا ناڤدەولەتی M4 دکەڤە و رۆژھلاتێ سووریێ و رۆژئاڤایێ وێ و ب تایبەت ھەر دو ھەرێمان کۆبانی و جزیرێ ب ھەڤ ڤە گرێ ددە.
