ژ بەر شەرێ دو مالباتان ل رحایێ 5 کەس ھاتنە کوشتن

ژ بەر شەرێ دو مالباتان ل رحایێ 5 کەس ھاتنە کوشتن

 ل باژارێ رحایێ یێ باکورێ کوردستانێ، ژ بەر زەڤیان د ناڤبەرا دو مالباتان دا شەر دەرکەت. د ئەنجام دا کو چەک ھاتنە بکارئانین 5 کەس ژ یەک مالباتێ ھاتنە کوشتن و 3 کەس ژی بریندار بوون. جەنازەیێ کوشتیان دەمەکێ درێژ ل سەر رێیا رحا-سەمسوورێ ل ئەردی مان.

مەدیایا باکورێ کوردستانێ بەلاڤ کریە ل تاخا رەمزی ل رحایێ، دو مالباتان ل سەر زەڤیان دەستپێکێ شەرێ دەڤکی کرن. پشترا ئەندامێن مالباتان ل ھەمبەری ھەڤ چەک ب کار ئانین. د ئەنجاما شەری دا ل جھێ بوویەرێ 3 کەس ھاتنە کوشتن و 5 کەس ژی بریندار بوون.

دو کەسێن کو بریندار بووبوون ژی دەما راکرنە نەخوەشخانەیێ جانێ خوە ژ دەست دان. د ئەنجاما شەرێ مالباتان دا ژ یەک مالباتێ 5 کەس ھاتنە کوشتن. جەنازەیێن کوشتیان دەمەکێ درێژ ل سەر رێیا رحا-سەمسوورێ ل ئەردی مان. ژ بەر ڤێ یەکێ رێیا بەژایی ژ ھاتن و چوونێ ھاتە گرتن.

پشتی شەری، جەندرمە چوون جھێ بوویەرێ و ب بەهانەیا کو دەست د ئێریشێ دا هەبوویە ٦ کەس دەستەسەر کرن. کەسێن دەستەسەکری بۆ لێپرسینێ برن قەرەقۆلا ھەری نێزک. ھەروھا پشتی شەری، پارێزگارێ رحایێ عەبدولا ئەرن ژی چوو جھێ بوویەرێ و ل وێ دەرێ لێکۆلین کر. عەبدولا ئەرن پشتی زانیاری ژ جەندرمەیان وەرگرتی داخویانیەک دا و وی ژی پشتراست کر کو د ئەنجاما بوویەرێ دا ٥ کەسان جانێ خوە ژ دەست دانە و 6 کەسێن تەڤلی شەری بووی ژی ھاتنە دەستەسەرکرن.

پوستێن ھەمان بەش