ل ھەرێما عه‌فرینێ یا رۆژئاڤایێ کوردستانێ، بازرگانییا مال و ملکێن شێنیان د دۆمە، ھەری داوی ل تاخا ئەشرەفیێ یا باژارێ عه‌فرینێ، 3 خانیێن کۆچبەرێن کورد ھاتن فرۆشتن.
ل گۆری ئاگاهیێن پێگه‌ها عه‌فرین پۆستێ، چەکدارەکی ژ پارێزگەھا حومسێ خانیەک ل تاخا ئەشرەفیێ، ل نێزیکی مزگەفتا بیلال، ب 1200 دۆلاران فرۆت کو خودانێ وی وه‌لاتییه‌كێ کورد یێ کۆچبەر کری محه‌مه‌د عه‌لی یه و ژ خه‌لكێ گوندێ ئالکانا یێ ناڤچەیا شیێ یە.
ھەروه‌ھا ل تاخا ئەشرەفیێ و ل ھەمان دەڤەرێ، چه‌كداره‌كێ گرێدای تركیێ ژ باژارۆکێ دێر جەمال خانیێ وه‌لاتیێ کورد سه‌ردار مسته‌فا، ب 1000 دۆلاران فرۆتییه كه‌سه‌كێ ناڤچه‌یا قه‌له‌مۆنێ یا گونده‌وارێ شامێ.
ھەری داوی چەکدارەک ژ میلیشیا جەبھا ئەل-شامیێ، شقەیەک، ل تاخا ئەشرەفیێ یا ژۆری ل ھەرێما پیشەسازیێ، فرۆت. ئەو خانی یێ وه‌لاتیێ کوردێ کۆچبەرکری ب ناڤێ فه‌ریال ئه‌حمه‌ده و ب كه‌سه‌كێ غۆتا رۆژهلات هاتییه فرۆتن.
