خەلکێ باژێرۆکێ عەین عیسا یێ رۆژئاڤایێ کوردستانێ، ژ بەر گەفێن رووسیایێ بۆ رادەستکرنا عەین عیسایێ بۆ رەژیما سووریێ و رێگری نەکرن ژ ئێریشێن کۆمێن چەکدارێن گرێدایی ترکیێ، خوەپێشاندانەکا پرۆتەستۆیی ل دار خستن.
د خوەپێشاندانا کو دۆھی 27ێ کانوونێ ھاتیە کرن دا، خەلکێ ناڤچەیا عەین عیسا قۆتابخانەیەک کو ھێزێن رووسی تێ دا نە دان بەر کەڤران و ئەو پرۆتەستۆ کرن.
باژارۆکێ عەین عیسا کو 47 کیلۆمەتران دووری باژێرێ رەقایە ب 66 کیلۆمەتران دکەڤیتە باشوورێ رۆژھەلاتێ کۆبانێ و 30 کیلۆمەتران ژی ژ ناڤەندا باژێرێ گرێ سپی دوورە.
عەین عیسا ھەرێمەکا ستراتەژیکە کو ل سەر رێیا ناڤدەولەتییا M4رۆدکۆ و رێیا M4جزیرا رۆژئاڤایێ کوردستانێ ب حەلەب، لازقیێ، حمس، حەما و شامێ ڤە گرێددەت.
ترکیا ھەول ددەت ب ئێریشان عەین عیسایێ بێخیتە بن کۆنترۆلا خوە و رووسیا ژی دخوازیت بکەڤیتە د بن کۆنترۆلا رەژیما سووریێ، لێ ھەسەدێ ئەڤ یەک رەد کربوو.
