د ئێریشا درۆنان دا 2 پاسدارێن ئیرانێ ھاتنە کوشتن

د ئێریشا درۆنان دا 2 پاسدارێن ئیرانێ ھاتنە کوشتن

چاڤدێریا سووریێ ژبۆ مافێن مرۆڤان (SOHR) دبێژیت، 2 پاسدارێن  ئیرانێ د ئێریشا فۆرکەیێن بێ فرۆکەڤان دا ھاتنە کوشتن کو ناسناما وان فرۆکان ناهێتە زانین.

SOHR ددەتە زانین کو سەرێ سبەھا یەکشەمێ فرۆکێن بێ فرۆکەڤان ئۆتۆمبێلەک ل نێزیک مەیادین ل گوندەوارێن دێرەزۆر کرییە ئارمانج و د ئەنجام دا 2 حەرەس سەوری یێن ئیرانێ ھاتنە کوشتن.

چاڤدێریا سووری دبێژیت، ئۆتۆمبێل ھاتە ئارامنج گرتن، پشتی کو ژ کارگەھەکا ل دەورووبەرێن باژێرێ مەیادین دەرکەتی، لێ حەتا نھا ناسنامەیا کەسێن بوویە ئارمانجا ئێریشێ نەھاتیە زەلال کرن.

سۆھرێ بەری 2 رۆژان زیانێن ئێریشێن فرۆکەیێن ئیسرایلێ بۆ سەر ئاخا سووریێ دابوون راگھاندن پشتی کو شەڤا پێنجشەمێ ل سەر ئینی ئێریش پێکھاتبوو و مووشەکێن ئیسرایلێ یێن د سەر ئاخا لوبانێ را گھابوون ھەرێما ئەل-زاویە ل گوندەوارێن مسسیاف، کو ئەمبار و کارگەھێن چێکرنا مووشەکێن مەنزل کورت و ناڤین د وان ئێریشان دا ھاتبوون وێران کرن. وەکە سۆھر دبێژیت، ل وێ ھەرێمێ ناڤەندێن لێکۆلینێن زانستی و کارگەھێن بەرەڤانی و خوەپاراستنێ ھەنە.

ھەروھا وان ئێریشان ناڤەند و سەربازگەھا تالایی ل ھەرێما شێخ خازبان ل گوندەوارێن مسسیاف ئارامنج گرتبوون و 6 کەسێن کو ناسناما وان نە سووری بوون ھاتبوون کوشتن.

وەک دهێتە زانین ھەر دەم چەکدار و زێرەڤانێن شۆرشا ئیسلامی یا ئیرانێ یێن کو ل سووریێ نە دبنە ئارمانجا مووشەک و ئێریشێن ئەسمانی، لێ نایێ ئاشکەرا کرن کانێ ئەو ئێریش ژ لایێ کێ ڤە تێنە ئەنجام دان، گەلەک جاران رەژیما سووری ئیسرائیلێ ل ھەمبەر وان ئێریشان بەرپرس دبینیت، ئیسرائیل ژی راناگھینیت کو ئەو ئێریشان پێکتینیت، لێ ھەر دەم گۆتیە ئەوێ میلیشیا و حەرەسێن سەوری یێن ئیرانی کو ل سووریێ دمینن ئارامنج بگرن.

پوستێن ھەمان بەش