تانرکولو: نە 9 سال 90 سال ژی دەرباس ببن، دێ باجا رۆبۆسکێ دەن!

تانرکولو: نە 9 سال 90 سال ژی دەرباس ببن، دێ باجا رۆبۆسکێ دەن!

پەرلەمانتەرێ کورد یێ پارتیا کۆماریا گەل (CHP) سەزگین تانرکوولوو، د سالڤەگەرا 9ێ یا کۆمکوژیا رۆبۆسکێ دا کو شەڤا 28ێ کانوونا 2011ێ ب بۆمبەبارانا بالافرێن ترک 34 کەس ھاتبوونە کوشتن، پەیامەک بەلاڤ کر.

تانرکولو د پەیاما خوە دا دبێژیت، “نە 9 سال 90 سال ژی دەرباس ببن دێ بەرپرسیار باجێ دەن.”

پەرلەمانتەرێ جەهەپێ یێ ستەنبۆلێ و جیگرێ سەرۆکێ کۆمیسیۆنا مافێ مرۆڤان یا پەرلەمانێ ترکیێ سەزگین تانرکوولوو، د پەیاما خوە دا کۆمکوژیا رۆبۆسکیێ ب بیر خست و وھا گۆت کو ئەو ل کێلەکا مالباتێن رۆبۆسکی نە کو ل دادپەروەریێ دگەرن.

تانرکوولوو گۆت: “ئەم نەبینین ژی دێ زارۆکێن مە بینن، زارۆکێن مە نەبینن ژی دێ نەڤیێن مە ل حەسابا کۆمکوژیا رۆبۆسکی پرسن. نە 9 سال 90 سال ژی دەرباس ببن بەرپرسیارێن کارەساتا رۆبۆسکێ دێ باجێ دەن.”

پوستێن ھەمان بەش