پەروین بوولدان دانپیدانێ دکەت کو راپۆرتا پێگەها دارکا مازی ل سەر رۆبۆسکێ راستە

پەروین بوولدان دانپیدانێ دکەت کو راپۆرتا پێگەها دارکا مازی ل سەر رۆبۆسکێ راستە

ھەڤسەرۆکا گشتی یا ھەدەپێ پەروین بوولدان، د 9ەمین سالڤەگەرا کۆمکوژیا رۆبۆسکێ دا کو 34 کەس ب بۆمبەیێن بالافرێن ترک ھاتبوون کوشتن بەشداری مەراسیما ل گۆرستانا رۆبۆسکێ بوو.

بوولدان د ئاخافتنا خوە دا گۆت: “کۆمکوژیا رۆبۆسکێ ئێشەکا بێ داوی و بێ پێناسەیە. ھەلبەت نە بوویەرەکا ئاسایی یە. ئەڤە کۆمکوژیەکا ئاشکەرایە. دەولەت و حکومەتێ ب زانابوون و ب خواستەک بۆمبە ب سەر گەلێ رۆبۆسکی دا باراند.”

بوولدان ھەروەھا مکور ھات کو کێماسیێن ھەدەپێ ژی چێبوونە کو دۆزا رۆبۆسکێ نەگەھاندیە دادگەھا مافێن مرۆڤان و وەھا پێدا چوو: “ئەز دخوازم بێژم حەتا ئەڤ مەسەلە بهێتە چارسەرکرن و پێڤاژۆیا یاسایی و سیاسی بگەهیتە زەلالیێ چ ژ دەستێ مە بهێت ئەم دێ کەین. د وی سەردەمی دا ھندەک کێماسی پەیدابوونە. مالباتێن رۆبۆسکێ سەر ل دادگەھا دەستوورا بنگەھین دا، لێ بەلێ ژ بەر کو بارۆیا شرنەخێ بەلگەیێن کێم دابوونە دەست دادگەها دەستوورا بنگەهین، ئەڤ دۆسیە ژ بەر بەلگەیێن کێم قەبوول نەکر. ژ بەرکو رێکێن یاسایی یێن ل ترکیێ ب داوی هاتن، مالباتان سەری ل دادگەھا مافێ مرۆڤان یا ئەورۆپایێ دان. دادگەهێ ب بەهانەیا کو رێیێن یاسایا ناڤخوەیی ب داوی نەهاتینە ئەڤ کەیسە قەبوول نەکر. د ڤی واری دا کێماسیێن بەلگەیێن بارۆیا شرنەخێ ھەنە. ژ بۆ کو کەسێن بەرپرس ژ ڤان کێماسیا دەرکەڤن ھۆلێ، بەرپرسیارتیەکا دیرۆکی یە. ھەلبەت مە وەک ھەدەپێ ژی د وارێ یاسایی دا ھندەک کێماسی هەبوونە. مە پێڤاژۆیا شۆپاندن و کۆنترۆلێ باش پێک نەئانیە. مە پێڤاژۆیا یاسایی باش نەشۆپاندیە. ئەڤە ژی کێماسیەکا مە یا مەزنە.”

ئەڤ جارا یەکەم نینە کو هیز و کەسێن سەر ب پەکەکێ ڤە داخویانیێن ب ڤی ئاوا ددەن، پەکەکە و دووڤەلانکێن وێ فێر بوونە کو هەردەم د دەما روویدانا هەر بوویەرەکی دا خوە وەکو خوەدیێن گەلێ کورد بدەنە ناسکرن، لێ هەردەم بوویەران د بەرژەوەندا دەولەتێن داگیرکەر دا ب داوی تینن.

ل ڤێرە چەند پرسیار سەر هل ددەن ئەو ژی ئەڤەنە:

گەلۆ بۆچی د کەیسا رۆبۆسکێ دا کێماسیێن هەدەپێ هەبوون، قەی کەیسا رۆبۆسکێ کەیسەکا هند بێ بوها بوو کو کێماسی تێدا بهێنە قەبوولکرن یان ژی بریارەک بوو کو ژ ئیمرالیێ دەرکەتبوو؟!

بوولدان باس ل بەرپرساتیا دیرۆکی دکەت، گەلۆ بەرپرساتیا دیرۆکی یا هەدەپێ و پەکەکێ کی دێ هەلگریت؟!

بۆچی هەدەپێ پێڤاژۆیا شۆپاندن و کۆنترۆلکرنا بەلگەیان باش پێک نەئانی؟!
هەدەپە وەکو بەشەک ژ پەکەکێ دێ چەوا باجا کێماسیەک ب ڤی ئاوا مەزن دەت؟
گەلۆ حەتا چ دەم دێ پەکەکە ب ڤی رەنگی یاریا ب عەقل و هەست و سۆزا کوردان کەت؟!

ئەڤ پرسیارە و ب دەهان پرسیارێن دن د کەیسا رۆبۆسکێ دا هەنە کو پێویستە بەرسڤا وان ژ لایێ پەکەکێ ڤە بهطە دان.

هێژایی گۆتنێ یە کو پێش نها پێگەها مە د راپۆرەکێ دا ب هۆرگلی باس ل کەیسا رۆبۆسکێ و کێماسیێن پەکەکێ و هەدەپێ ژ بۆی پەردەپۆشکرنا ڤێ کارەساتا مەزن ب بریرا ئۆجەلان د ئیمرالیێ دا کربوو، ئەڤ ئاخافتنا بوولدان ژی راستیا زانیاریێن پێگەها مە ددەتە نیشاندان.

پوستێن ھەمان بەش