شاندەکا پارتییا ده‌مۆكراتیك یا گه‌لان هه‌ده‌پێ سه‌ردانا زیندانا ئه‌دیرنه‌یێ كر ژ بۆ هه‌ڤدیتنا ل گه‌ل هه‌ڤسه‌رۆكێ خوه یێ به‌رێ سه‌لاحه‌ددین ده‌میرتاش، شاندا هه‌ده‌پێ راگهاندن، پێویسته بریارا دادگه‌ها مافێن مرۆڤان یا ئه‌ورۆپایێ وه‌ره ب جی كرن.
پەیڤدارا ئه‌نجوومه‌نا ژنان یا هه‌ده‌پێ عایشه ئاجار باشاران و جیگرێ سەرۆکێ فراکسیۆنا هه‌ده‌پێ ساروھان ئۆلوچ، ل زیندانا ئەدیرنەیێ چوون سەردانا ھەڤسەرۆکێ بەرێ یێ هه‌ده‌پێ سه‌لاحه‌ددین دەمیرتاش و پارلامەنتەرێ بەرێ عه‌بدوللا زەیدان.
نڤیسینگھا رۆژنامەڤانییا هه‌ده‌پێ دا خویاکرن، د جڤینێ دا پێویستییا دەمۆکراتیکبوونا ترکیەیێ و سەردەستییا ماف ناسیێ ھاتییە نرخاندن و بانگ ل ئالیێن دەمۆکراتیک ھاتییە کرن کو ھەلوەستێن خوە بکن یەک.
شاندا هه‌ده‌پێ بانگ ل دەستھلاتێ ژی كر کو بریارا دادگەھا مافێن مرۆڤان یا ئەورۆپایێ جیبجی بکەت و دەمیرتاش د زووترین دەم دا ئازاد بكه‌ت.
دادگەھا مافێن مرۆڤان یا ئەورۆپایێ بەری چەند رۆژان ئاشكرا کربوو، زیندانیکرنا سه‌لاحه‌ددین دەمرتاش ل دژی 5 مادەیێن پەیمانا مافێن مرۆڤان یا ئەورۆپایێ یە و دڤێت دەمیرتاش دەملدەست وەرە بەردان.
پشتره ره‌جه‌ب ته‌یب ئاردۆگان داخویانی دا و راگهاند كو تركیێ دادگه‌هێن خوه هه‌نه و ده‌وله‌تا وان ب تو ئاوایی گوهـ ناده بریارا دادگه‌ها ئه‌ورۆپایێ.
